Сьвята ладзіцца ў вёсцы, бліжэйшай да фальварку Сьвіраны пад Вільняй, у якім нарадзіўся Францішак Багушэвіч – бацька беларускай паэзіі. Сьвята сталася традыцыйным: у трэці раз ужо зьбіраецца ўся вёска, усё навакольле. Дарэчы, людзі тут па-ранейшаму так і гавораць на адным зь беларускіх дыялектаў, які тут завецца “па-просту”. На сьвята прыяжджаюць выступоўцы зь Вільні й Беларусі.
Ладзіць сьвята бібліятэка, якая апякуецца памяцьцю Багушэвіча на ягонай радзіме. На бібліятэцы – шыльда, прысьвечаная Багушэвічу. Непадалёк – мэталёвы крыж, усталяваны ў памяць аб песьняры.
А сёньня сьвята было адмысловае, паколькі тут адбывалася незвычайная, унікальная рэч – дэфіле народных строяў, якія прывезла старэйшая супрацоўніца Музэю архітэктуры й побыту Беларусі Ларыса Мятлеўская. Яна – стваральніца і кіраўніца праекту “Ўся Беларусь” – гэта праект, прысьвечаны рэканструкцыі аўтэнтычнага народнага касьцюму.
Таксама выступаў мясцовы лялечны тэатар, які інсцэнаваў верш Францішка Багушэвіча. Ансамбаль “Лянок” віленскай Скарынаўскай школы паказаў сваю літаратурную праграму.
Выдаўся надзвычай прыгожы дзень – ясна, марозна, сьветла – і мясцовыя жыхары былі вельмі ўсьцешаныя магчымасьцю паслухаць беларускія песьні, паглядзець канцэрт, паглядзець паказ народных строяў – атрымалася сапраўднае вясковае сьвята.
Ладзіць сьвята бібліятэка, якая апякуецца памяцьцю Багушэвіча на ягонай радзіме. На бібліятэцы – шыльда, прысьвечаная Багушэвічу. Непадалёк – мэталёвы крыж, усталяваны ў памяць аб песьняры.
А сёньня сьвята было адмысловае, паколькі тут адбывалася незвычайная, унікальная рэч – дэфіле народных строяў, якія прывезла старэйшая супрацоўніца Музэю архітэктуры й побыту Беларусі Ларыса Мятлеўская. Яна – стваральніца і кіраўніца праекту “Ўся Беларусь” – гэта праект, прысьвечаны рэканструкцыі аўтэнтычнага народнага касьцюму.
Таксама выступаў мясцовы лялечны тэатар, які інсцэнаваў верш Францішка Багушэвіча. Ансамбаль “Лянок” віленскай Скарынаўскай школы паказаў сваю літаратурную праграму.
Выдаўся надзвычай прыгожы дзень – ясна, марозна, сьветла – і мясцовыя жыхары былі вельмі ўсьцешаныя магчымасьцю паслухаць беларускія песьні, паглядзець канцэрт, паглядзець паказ народных строяў – атрымалася сапраўднае вясковае сьвята.
