Міністэрства юстыцыі Ўкраіны сёньня выступіла з тлумачэньнем наконт магчымых паўторных выбараў прэзыдэнта Ўкраіны. Міністэрства падкрэсьліла, што паўторныя выбары праводзяцца ў выпадку калі ў бюлетэнь было ўключана ня болей за два кандыдаты і ніводзін зь іх ня быў абраны.
Рашэньне пра паўторныя выбары прымае Вярхоўная Рада пасьля адпаведнай пастановы ЦВК.
Сёньня сакратар ЦВК адклікала свой подпіс пад рашэньнем камісіі пра вынікі другога туру.
У дзень агалошваньня гэтага рашэньня пастанову адмовіліся падпісаць яшчэ тры сябра камісіі. Тым часам сёньня ЦВК, выконваючы рашэньне Вярхоўнага суда, адклікала сваю пастанову пра вынікі выбараў з рэдакцыяў урадавых газэтаў.
Генэральная пракуратура Ўкраіны абвінаваціла шэраг тэлеканалаў краіны, у прыватнасьці 5-ы канал, у парушэньні заканадаўства. У лісьце генпракурора Васільева ў Дзяржкамітэт па тэлебачаньні адзначаецца, што гэтыя тэлеканалы перадаюць у эфір заклікі да захопу вакзалаў, блякаваньня вуліцаў і адміністрацыйных будынкаў і да іншых проціпраўных дзеяньняў.
Пракуратура патрабуе ад дзяржкамітэту разгледзіць пытаньне пра адказнасьць гэтых тэлеканалаў. Прэсавая служба пракуратуры паведаміла, што па фактах захопу адміністрацыйных будынкаў распачата 7 крымінальных справаў.
Луганская абласная Рада стварыла выканкам, якому перададзеная ўся паўната ўлады ў вобласьці. На сэсіі абласной рады была вылучаная прапанова склікаць 28 лістапада ў Севераданецку Зьезд органаў самакіраваньня і выканаўчай улады паўдзённых і ўсходніх вобласьцяў Украіны і разгледзіць прапанову стварыць асобную падатковую, банкаўскую і фінансавую сыстэму Поўдня і Ўсходу.
Сьпікер Вярхоўнай Рады Ўладзімер Літвін заявіў, што пляны луганскіх дэпутатаў стварыць аўтаномію – гэта “воплі і соплі”. Ён выказаў упэўненасьць, што народ Украіны не дазволіць падзяліць краіну.
Рашэньне пра паўторныя выбары прымае Вярхоўная Рада пасьля адпаведнай пастановы ЦВК.
Сёньня сакратар ЦВК адклікала свой подпіс пад рашэньнем камісіі пра вынікі другога туру.
У дзень агалошваньня гэтага рашэньня пастанову адмовіліся падпісаць яшчэ тры сябра камісіі. Тым часам сёньня ЦВК, выконваючы рашэньне Вярхоўнага суда, адклікала сваю пастанову пра вынікі выбараў з рэдакцыяў урадавых газэтаў.
Генэральная пракуратура Ўкраіны абвінаваціла шэраг тэлеканалаў краіны, у прыватнасьці 5-ы канал, у парушэньні заканадаўства. У лісьце генпракурора Васільева ў Дзяржкамітэт па тэлебачаньні адзначаецца, што гэтыя тэлеканалы перадаюць у эфір заклікі да захопу вакзалаў, блякаваньня вуліцаў і адміністрацыйных будынкаў і да іншых проціпраўных дзеяньняў.
Пракуратура патрабуе ад дзяржкамітэту разгледзіць пытаньне пра адказнасьць гэтых тэлеканалаў. Прэсавая служба пракуратуры паведаміла, што па фактах захопу адміністрацыйных будынкаў распачата 7 крымінальных справаў.
Луганская абласная Рада стварыла выканкам, якому перададзеная ўся паўната ўлады ў вобласьці. На сэсіі абласной рады была вылучаная прапанова склікаць 28 лістапада ў Севераданецку Зьезд органаў самакіраваньня і выканаўчай улады паўдзённых і ўсходніх вобласьцяў Украіны і разгледзіць прапанову стварыць асобную падатковую, банкаўскую і фінансавую сыстэму Поўдня і Ўсходу.
Сьпікер Вярхоўнай Рады Ўладзімер Літвін заявіў, што пляны луганскіх дэпутатаў стварыць аўтаномію – гэта “воплі і соплі”. Ён выказаў упэўненасьць, што народ Украіны не дазволіць падзяліць краіну.
