На працэсе над былой кіраўніцай справаў прэзыдэнта Галінай Жураўковай прагучалі паказаньні, якія прадстаўнік абвінавачаньня лічыць вельмі істотнымі для доказу віны спадарыні Жураўковай і яе суўдзельнікаў. Гэта паказаньні сьведкі Паўла Мурашкі. Павал Мурашка — малодшы брат былога намесьніка дырэктара дзяржаўнага прадпрыемства “Белая Русь” Аляксандра Мурашкі, які прыцягнуты да суду разам з Галінай Жураўковай паводле абвінавачаньня ў крадзяжы дзяржаўнай маёмасьці.
23 лістапада Павал Мурашка ў суд не зьявіўся — лічыцца, што ён уцёк. Напярэдадні больш за тыдзень суд чакаў, ці ня знойдзецца гэты сьведка, і вось сёньня вырашана было агучыць ягоныя паказаньні, дадзеныя падчас сьледзтва. У прыватнасьці, Павал Мурашка сьведчыў, што, выконваючы даручэньне брата, езьдзіў у Латвію, дзе быў адкрыты адмысловы рахунак. На гэты рахунак у 2002–2003 годзе было пералічана больш за 3 мільёны даляраў. Гэтыя грошы Павал Мурашка паступова пераводзіў на асабістыя рахункі Юрыя Матусевіча і ягонай жонкі. Юры Матусевіч ў час кіраваньня Галіны Жураўковай узначальваў управу зьнешнеэканамічнай дзейнасьці Кіраўніцтва справаў прэзыдэнта. Сьледзтва лічыць, што менавіта праз Матусевіча далей разьмяркоўваліся незаконна заробленыя 3 мільёны даляраў, палова зь якіх нібыта дасталася Галіне Жураўковай.
Паказаньні малодшага Мурашкі, як лічыць пракурор, здольныя канчаткова расставіць кропкі над “і” ў гэтай справе. Між тым, Галіна Жураўкова сябе дагэтуль вінаватай не прызнае.
Працягваецца ў Вярхоўным судзе і працэс над былым старшынём Белдзяржтэлерадыёкампаніі Ягорам Рыбаковым. Раней працэс на некалькі дзён перапыняўся, але цяпер перапынкаў няма — штодня паседжаньні ідуць з ранку да вечара. Вось што змог распавесьці пра гэты працэс прэсавы сакратар Вярхоўнага суду Валянцін Барысевіч:
(Барысевіч: ) “Ніякіх зьвестак няма. Я спытаў у судзьдзі, як ідуць справы, ён адказаў “Ай!” ды махнуў рукой. Відаць, шмат працы”.
Працэс над Ягорам Рыбаковым адбываецца за зачыненымі дзьвярыма. Паводле першапачатковых зьвестак, былы старшыня Белдзяржтэлерадыёкампаніі абвінавачваўся ў хабарніцтве, злоўжываньні службовым становішчам і крадзяжы дзяржаўнай маёмасьці. Аднак пазьней, сьцьвярджаюць некаторыя крыніцы, частку з гэтых прэтэнзіяў адхілілі.
23 лістапада Павал Мурашка ў суд не зьявіўся — лічыцца, што ён уцёк. Напярэдадні больш за тыдзень суд чакаў, ці ня знойдзецца гэты сьведка, і вось сёньня вырашана было агучыць ягоныя паказаньні, дадзеныя падчас сьледзтва. У прыватнасьці, Павал Мурашка сьведчыў, што, выконваючы даручэньне брата, езьдзіў у Латвію, дзе быў адкрыты адмысловы рахунак. На гэты рахунак у 2002–2003 годзе было пералічана больш за 3 мільёны даляраў. Гэтыя грошы Павал Мурашка паступова пераводзіў на асабістыя рахункі Юрыя Матусевіча і ягонай жонкі. Юры Матусевіч ў час кіраваньня Галіны Жураўковай узначальваў управу зьнешнеэканамічнай дзейнасьці Кіраўніцтва справаў прэзыдэнта. Сьледзтва лічыць, што менавіта праз Матусевіча далей разьмяркоўваліся незаконна заробленыя 3 мільёны даляраў, палова зь якіх нібыта дасталася Галіне Жураўковай.
Паказаньні малодшага Мурашкі, як лічыць пракурор, здольныя канчаткова расставіць кропкі над “і” ў гэтай справе. Між тым, Галіна Жураўкова сябе дагэтуль вінаватай не прызнае.
Працягваецца ў Вярхоўным судзе і працэс над былым старшынём Белдзяржтэлерадыёкампаніі Ягорам Рыбаковым. Раней працэс на некалькі дзён перапыняўся, але цяпер перапынкаў няма — штодня паседжаньні ідуць з ранку да вечара. Вось што змог распавесьці пра гэты працэс прэсавы сакратар Вярхоўнага суду Валянцін Барысевіч:
(Барысевіч: ) “Ніякіх зьвестак няма. Я спытаў у судзьдзі, як ідуць справы, ён адказаў “Ай!” ды махнуў рукой. Відаць, шмат працы”.
Працэс над Ягорам Рыбаковым адбываецца за зачыненымі дзьвярыма. Паводле першапачатковых зьвестак, былы старшыня Белдзяржтэлерадыёкампаніі абвінавачваўся ў хабарніцтве, злоўжываньні службовым становішчам і крадзяжы дзяржаўнай маёмасьці. Аднак пазьней, сьцьвярджаюць некаторыя крыніцы, частку з гэтых прэтэнзіяў адхілілі.