У першай частцы зборніка яго аўтары распавядаюць пра тую палітычную сытуацыю, што склалася ў Беларусі напярэдадні рэфэрэндуму й выбараў. Прэзэнтаваныя ўсе палітычныя сілы, якія ўдзельнічалі ў гэтай кампаніі. У другай частцы справаздачы зьмешчаныя вынікі доўгатэрміновага назіраньня, якое актывісты й валанцёры “Партнэрства” праводзілі зь ліпеня па кастрычнік ва ўсіх 110 выбарчых акругах Беларусі.
У кнізе падрабязна распавядаецца пра шматлікія зафіксаваныя факты парушэньня беларускага выбарчага заканадаўства падчас папярэдняга галасаваньня і 17 кастрычніка. У справаздачы ёсьць зьвесткі пра колькасьць прагаласавалых датэрмінова па кожнай акрузе. Публікуюцца таксама высновы Місіі міжнародных назіральнікаў Бюро дэмакратычных інстытутаў і правоў чалавека АБСЭ і вынікі апытаньня на выхадзе з выбарчых участкаў, праведзеныя Балтыйскай філіяй Інстытуту Гэлапа.
Гаворыць адзін з укладальнікаў зборніка і кіраўнік ініцыятывы “Партнэрства” Мікалай Астрэйка:
(Астрэйка: ) “Першая й галоўная выснова, якую зрабіла “Партнэрства”: выбары і рэфэрэндум нельга прызнаць справядлівымі, а вынікі іх законнымі й легітымнымі. І мы спадзяемся, што гэтая кніга даць магчымасьць людзям, якія цікавяцца ў Беларусі палітыкай, ня проста беспадстаўна казаць пра парушэньні. А казаць на падставе канкрэтных дакумэнтаў і фактаў, якія былі зафіксаваныя назіральнікамі. У кожнай акрузе і ў кожнай вобласьці мы прыводзім такія факты”.
Кніга выдадзеная накладам 2 тысячы асобнікаў на беларускай, ангельскай і расейскай мовах. Асобнікі гэтай справаздачы будуць накіраваныя як у беларускія, так і ў замежныя афіцыйныя й праваабарончыя арганізацыі.
У кнізе падрабязна распавядаецца пра шматлікія зафіксаваныя факты парушэньня беларускага выбарчага заканадаўства падчас папярэдняга галасаваньня і 17 кастрычніка. У справаздачы ёсьць зьвесткі пра колькасьць прагаласавалых датэрмінова па кожнай акрузе. Публікуюцца таксама высновы Місіі міжнародных назіральнікаў Бюро дэмакратычных інстытутаў і правоў чалавека АБСЭ і вынікі апытаньня на выхадзе з выбарчых участкаў, праведзеныя Балтыйскай філіяй Інстытуту Гэлапа.
Гаворыць адзін з укладальнікаў зборніка і кіраўнік ініцыятывы “Партнэрства” Мікалай Астрэйка:
(Астрэйка: ) “Першая й галоўная выснова, якую зрабіла “Партнэрства”: выбары і рэфэрэндум нельга прызнаць справядлівымі, а вынікі іх законнымі й легітымнымі. І мы спадзяемся, што гэтая кніга даць магчымасьць людзям, якія цікавяцца ў Беларусі палітыкай, ня проста беспадстаўна казаць пра парушэньні. А казаць на падставе канкрэтных дакумэнтаў і фактаў, якія былі зафіксаваныя назіральнікамі. У кожнай акрузе і ў кожнай вобласьці мы прыводзім такія факты”.
Кніга выдадзеная накладам 2 тысячы асобнікаў на беларускай, ангельскай і расейскай мовах. Асобнікі гэтай справаздачы будуць накіраваныя як у беларускія, так і ў замежныя афіцыйныя й праваабарончыя арганізацыі.
