Паводле падпісанага міністрам інфармацыі Ўладзімерам Русакевічам 24 жніўня загаду, выдавецкі дом “Время” і рэдакцыя газэты зьмянілі свой юрыдычны адрас і ў месячны тэрмін не паведамілі пра гэта міністэрству, што супярэчыць Закону аб друку. Гэтае рашэньне было прынята на падставе ліста з пракуратуры, у якім сьцьвярджалася, што адкрытае акцыянэрнае таварыства “Белрамбудсувязь” з 1 чэрвеня скасоўвае дамову аб здачы ў арэнду сваіх памяшканьняў выдавецкаму дому “Время”.
Кіраўніцтва дому палічыла гэты загад незаконным і падало пазоў у Вышэйшы гаспадарчы суд аб яго адмене.
У міністэрскім загадзе скасаваньне дамовы аб арэндзе пазначана датай 1 жніўня. Юрысты міністэрства патлумачылі ў судзе, што гэта тэхнічная памылка. Мелася на ўвазе, што газэта “Время” пазбавілася юрыдычнага адрасу менавіта 1 чэрвеня, а ня жніўня.
Дырэктар выдавецкага дому “Время” Генадзь Ананьеў і ягоны прадстаўнік Андрэй Бастунец прадэманстравалі суду афіцыйны дакумэнт, у якім дырэктар “Белпрамбудсувязі” паведамляе, што дамова аб арэндзе насамрэч скасаваная з 1 жніўня. І прадстаўнікі газэты, у адпаведнасьці з законам, цягам месяца паінфармавалі міністэрства пра зьмену юрыдычнага адрасу.
Начальнік юрыдычнай управы Міністэрства інфармацыі Лілія Богдан і яе калега прызналі, што загад міністра Русакевіча незаконны. Судзьдзя Аркадзь Сусла прапанаваў прадстаўнікам міністэрства да раніцы 12 лістапада адмяніць незаконны загад. У адваротным выпадку ён будзе адменены судом. Прадстаўнікі міністэрства камэнтаваць тое, што адбылося ў судзе, адмовіліся. А вось што сказаў з гэтай нагоды Андрэй Бастунец:
(Бастунец: ) “На мой погляд, гэты загад быў відавочна незаконным. І мы пра гэта казалі ў звароце да міністра інфармацыі. Патрабавалі, каб ён адмяніў гэты загад, але ён на гэта не пайшоў”.
Юрысты ж Міністэрства інфармацыі й цяпер сумняюцца, што гэты загад будзе адменены ў несудовым парадку.
Кіраўніцтва дому палічыла гэты загад незаконным і падало пазоў у Вышэйшы гаспадарчы суд аб яго адмене.
У міністэрскім загадзе скасаваньне дамовы аб арэндзе пазначана датай 1 жніўня. Юрысты міністэрства патлумачылі ў судзе, што гэта тэхнічная памылка. Мелася на ўвазе, што газэта “Время” пазбавілася юрыдычнага адрасу менавіта 1 чэрвеня, а ня жніўня.
Дырэктар выдавецкага дому “Время” Генадзь Ананьеў і ягоны прадстаўнік Андрэй Бастунец прадэманстравалі суду афіцыйны дакумэнт, у якім дырэктар “Белпрамбудсувязі” паведамляе, што дамова аб арэндзе насамрэч скасаваная з 1 жніўня. І прадстаўнікі газэты, у адпаведнасьці з законам, цягам месяца паінфармавалі міністэрства пра зьмену юрыдычнага адрасу.
Начальнік юрыдычнай управы Міністэрства інфармацыі Лілія Богдан і яе калега прызналі, што загад міністра Русакевіча незаконны. Судзьдзя Аркадзь Сусла прапанаваў прадстаўнікам міністэрства да раніцы 12 лістапада адмяніць незаконны загад. У адваротным выпадку ён будзе адменены судом. Прадстаўнікі міністэрства камэнтаваць тое, што адбылося ў судзе, адмовіліся. А вось што сказаў з гэтай нагоды Андрэй Бастунец:
(Бастунец: ) “На мой погляд, гэты загад быў відавочна незаконным. І мы пра гэта казалі ў звароце да міністра інфармацыі. Патрабавалі, каб ён адмяніў гэты загад, але ён на гэта не пайшоў”.
Юрысты ж Міністэрства інфармацыі й цяпер сумняюцца, што гэты загад будзе адменены ў несудовым парадку.