ПРАГА. Палестынцы, Арабская ліга, а таксама Эўрапейскі Зьвяз выказалі задавальненьне з нагоды ухвалы ізраільскага парлямэнту ў справе эвакуацыі габрэйскіх паселішчаў з паласы Газа.
Раней прэм’ер-міністар Ізраілю Арыэль Шарон выказаўся катэгарычна супраць прапановы чатырох міністраў правесьці нацыянальны рэфэрэндум ў пытаньні выхаду з паласы Газа.
Адзін з гэтых міністраў - міністар фінансаў Бэньямін Нэтаньяху, заявіў:
(Нэтаньяху) “Мы – група міністраў і адначасова дэпутатаў парлямэнту вырашылі, што калі цягам двух тыдняў прэм’ер-міністар не правядзе агульнанацыянальны рэфэрэндум аб выхадзе з паласы Газа , мы ня зможам далей выконваць нашых абавязкаў у ягоным урадзе”.