У прыватнасьці, яны казалі пра фальшывыя ўлёткі, у якіх яны нібыта зьневажалі кіраўніка краіны, пра аднастайна напісаныя лісты абураных вэтэранаў з далучанымі да іх газэтамі, якія нібыта распаўсюджвалі няўгодныя кандыдаты.
Сябры камісіі з дарадчым голасам даводзілі няслушнасьць рашэньняў акруговых камісіяў з прававога і маральнага пункта гледжаньня. Нечакана за Аляксандра Дабравольскага заступіўся нават прадстаўнік КПБ у камісіі Альфонс Цішкевіч. Але сябры камісіі з вырашальным голасам без асаблівых спрэчак прымалі аднастайныя рашэньні не на карысьць заяўнікаў.
Адрозна ад папярэдніх паседжаньняў, асаблівай матывацыі гэтых дзеяньняў ЦВК не было. Так што прадстаўніца ПКБ у камісіі Алена Скрыган у роспачы кінула пры канцы свайго выступу: “Рабіце, што хочаце”.
Станоўчае рашэньне ЦВК прыняла толькі па скарзе Ганны Гадавец з Бабруйску, папярэджаньне ёй, што вынесла акруговая камісія, скасавалі. Акрамя таго, ЦВК адхіліў скаргу актывісткі АГП Марыны Багдановіч, у радыёвыступе якой нібыта была абраза Лукашэнкі. ЦВК пастанавіў перадаць матэрыялы па гэтай справе ў пракуратуру.
Сябры камісіі з дарадчым голасам даводзілі няслушнасьць рашэньняў акруговых камісіяў з прававога і маральнага пункта гледжаньня. Нечакана за Аляксандра Дабравольскага заступіўся нават прадстаўнік КПБ у камісіі Альфонс Цішкевіч. Але сябры камісіі з вырашальным голасам без асаблівых спрэчак прымалі аднастайныя рашэньні не на карысьць заяўнікаў.
Адрозна ад папярэдніх паседжаньняў, асаблівай матывацыі гэтых дзеяньняў ЦВК не было. Так што прадстаўніца ПКБ у камісіі Алена Скрыган у роспачы кінула пры канцы свайго выступу: “Рабіце, што хочаце”.
Станоўчае рашэньне ЦВК прыняла толькі па скарзе Ганны Гадавец з Бабруйску, папярэджаньне ёй, што вынесла акруговая камісія, скасавалі. Акрамя таго, ЦВК адхіліў скаргу актывісткі АГП Марыны Багдановіч, у радыёвыступе якой нібыта была абраза Лукашэнкі. ЦВК пастанавіў перадаць матэрыялы па гэтай справе ў пракуратуру.
