ГААГА. У Міжнародным трыбунале ў Гаазе аднавіўся працэс над Слабаданам Мілошавічам
Суд быў спынены месяц таму, каб даць час на падрыхтоўку новаму адвакату, які быў прызначаны былому югаслаўскаму прэзыдэнту. Да гэтага часу Мілошавіч абараняўся самастойна.
Сёньня ж апэляцыйная калегія суддзяў Гааскага трыбуналу разглядае запыт ці можа Мілошавіч, які адмовіўся ад адваката, надалей абараняць сябе сам.
Трыбунал лічыць, што гэта немагчыма, бо экс-прэзыдэнт Югаславіі хворы, з-за чаго паседжаньні суду ўвесь час адкладаюцца.