12% расейцаў лічаць Беларусь сябрам, кожны чацьверты расеец лічыць ворагам – ЗША

Кожны чацьверты апытаны расеец лічыць ворагам Расеі Злучаныя Штаты, 7% – арабскія і ісламскія краіны і групоўкі, 5% – Грузію, 3% – Кітай.

Да сябраў Расеі 22 % апытаных адносяць краіны СНД, 12% – Беларусь, 9% – Украіну, 16% апытаных лічаць сябрам Расеі Нямеччыну, 12% – Францыю, 8% – Злучаныя Штаты, 7% – Кітай.

Гэтыя дадзеныя цікава параўнаць з вынікамі дасьледаваньня, праведзенага ў чэрвені ў Беларусі Незалежным інстытутам сацыяльна-эканамічных і палітычных дасьледаваньняў.

Адказваючы на пытаньне, ад каго зыходзіць пагроза Беларусі, 44% апытаных назвалі Злучаныя Штаты, кожны чацьверты – арабскія краіны, 9% – Расею, столькі ж – Кітай і 7% – Эўрапейскі Зьвяз.