На сход, які ў кінатэатры “Беларусь” праводзіў віцебскі Савет вэтэранаў, былі запрошаныя таксама сябры БРСМу, а ў пачэсны прэзыдыюм трапілі ўсе кандыдаты “ад улады”, якія зьбіраюцца ўзяць удзел у парлямэнцкіх выбарах па чатырох віцебскіх акругах. Гэта дзейныя дэпутаты парлямэнту Глеб Іваноў, Аляксандар Гудкоў, Сяргей Сямашка і супрацоўніца Віцебскага аблвыканкаму Зоя Крот.
Кандыдаты выступілі са сваімі праграмнымі абяцаньнямі й выказаліся за правядзеньне рэфэрэндуму. Сябры вэтэранскай арганізацыі, у тым ліку і ейны кіраўнік, спадар Зараўчанскі, які ўваходзіць у склад гарадзкое камісіі па рэфэрэндуме, таксама падтрымалі прапанову Аляксандра Лукашэнкі. Што моладзі, то сябраў БРСМу ў залі аказалася неспадзявана мала, хаця студэнтам ВДУ, да прыкладу, нават дазволілі прапусьціць заняткі дзеля магчымасьці наведаць такую важную ідэалягічную імпрэзу.
Перад пачаткам сходу арганізатары паабяцалі паказаць прысутным кінафільм пра жыцьцё і дзейнасьць Аляксандра Лукашэнкі. Але напрыканцы, перапрасіўшы за тое, што такога фільма ў Віцебску не знайшлося, паказалі замест агітацыйнай відэастужкі “Анастасію Слуцкую”.
Кандыдаты выступілі са сваімі праграмнымі абяцаньнямі й выказаліся за правядзеньне рэфэрэндуму. Сябры вэтэранскай арганізацыі, у тым ліку і ейны кіраўнік, спадар Зараўчанскі, які ўваходзіць у склад гарадзкое камісіі па рэфэрэндуме, таксама падтрымалі прапанову Аляксандра Лукашэнкі. Што моладзі, то сябраў БРСМу ў залі аказалася неспадзявана мала, хаця студэнтам ВДУ, да прыкладу, нават дазволілі прапусьціць заняткі дзеля магчымасьці наведаць такую важную ідэалягічную імпрэзу.
Перад пачаткам сходу арганізатары паабяцалі паказаць прысутным кінафільм пра жыцьцё і дзейнасьць Аляксандра Лукашэнкі. Але напрыканцы, перапрасіўшы за тое, што такога фільма ў Віцебску не знайшлося, паказалі замест агітацыйнай відэастужкі “Анастасію Слуцкую”.
