У сераду гарадзкая газэта “Минский курьер” надрукавала сьпіс месцаў, дзе дазваляецца агітацыя за кандыдатаў у парлямэнт. Збольшага гэта пляцоўкі перад буйнымі крамамі ды рынкамі на ўскрайках сталіцы. Са 125 вызначаных месцаў менш за дзясятак можна аднесьці да цэнтру Менску — гэта, напрыклад, плошча перад палацам Чыгуначнікаў на вуліцы Чкалава, скрыжаваньне Першамайскай і Захарава, пляцоўкі перад крамамі “Міні-Эўропа” на Раманаўскай слабадзе й “Юбілейны” на Заслаўскай.
Ці можна на ўсіх 125 пляцоўках агітаваць таксама ў зьвязку з рэфэрэндумам? — спытаўся я ў кіраўніка ўправы ідэалягічнай працы Менскага гарвыканкаму Аляксандра Пухава.
(Пухаў: ) “Паводле часткі 9 артыкулу 45 Выбарчага кодэксу падчас правядзеньня выбараў, рэфэрэндумаў і гэтак далей мясцовыя органы выдзяляюць месцы, таму там можна і для рэфэрэндуму, і за выбары — і за, і супраць”.
Спадар Пухаў ня змог адказаць, ці будзе цяпер забароненая агітацыя за рэфэрэндум у месцах, якія ня трапілі ў пералік. Хаця ў рашэньні гарвыканкаму прадугледжаныя захады дзеля прадухіленьня перадвыбарчай агітацыі ды “разьмяшчэньня агітацыйных друкаваных матэрыялаў у не адведзеных для іх месцах”.
Гл. таксама іншыя матэрыялы на тэму рэфэрэндуму – svaboda.org/info/referendum.
Ці можна на ўсіх 125 пляцоўках агітаваць таксама ў зьвязку з рэфэрэндумам? — спытаўся я ў кіраўніка ўправы ідэалягічнай працы Менскага гарвыканкаму Аляксандра Пухава.
(Пухаў: ) “Паводле часткі 9 артыкулу 45 Выбарчага кодэксу падчас правядзеньня выбараў, рэфэрэндумаў і гэтак далей мясцовыя органы выдзяляюць месцы, таму там можна і для рэфэрэндуму, і за выбары — і за, і супраць”.
Спадар Пухаў ня змог адказаць, ці будзе цяпер забароненая агітацыя за рэфэрэндум у месцах, якія ня трапілі ў пералік. Хаця ў рашэньні гарвыканкаму прадугледжаныя захады дзеля прадухіленьня перадвыбарчай агітацыі ды “разьмяшчэньня агітацыйных друкаваных матэрыялаў у не адведзеных для іх месцах”.
Гл. таксама іншыя матэрыялы на тэму рэфэрэндуму – svaboda.org/info/referendum.
