Улёткі Расейскага нацыянальнага адзінства ёсьць на слупах, аўтобусных прыпынках і будынках у цэнтры Шклова. Частка зь іх – часткова пазрываныя, бачны толькі калаўрат. На іншых улётках напісана: “Каму належыць Беларусь? Калі ты хочаш, каб яна належала табе, уступай у РНЕ”. Для ўсіх цікаўных пазначаны нумар пэйджэру.
Наколькі гэтая агітацыя стасуецца зь цяперашняй кампаніяй, якая акцэнтуе стабільнасьць у Беларусі? Намесьнік старшыні Шклоўскага райвыканкаму ў справах ідэалёгіі Леанід Буевіч зьдзівіўся гэтаму пытаньню:
(Буевіч: ) “Вось толькі йшоў літаральна па цэнтры горада й нічога не бачыў”.
Аднак побач з будынкам райвыканкаму на сьценах жылых дамоў ёсьць і ўлёткі РНЕ, і намаляваныя вялізныя чорныя літары. Шклоўцы іх заўважаюць і абураюцца.
(Спадарыня: ) “Я, напрыклад, адмоўна стаўлюся і свайму дзіцю, у мяне дарослы ўнук, кажу, каб ня браў у гэтым удзелу”.
(Хлопец: ) “РНЕ – гэта фашыстоўская арганізацыя, яна не вядзе да дэмакартыі, а вядзе да таталітарнага рэжыму”.
(Спадар: ) “Гэта нікому не патрэбна. Нам бы хоць са сваім разабрацца, чым у расейскае лезьці”.
(Спадарыня: ) “Натуральна, што фашыстоўскім арганізацыям ня месца тут”.
Паводле неафіцыйных зьвестак, шклоўская групоўка РНЕ складаецца зь дзесятка маладых людзей, у асноўным – выпускнікоў ПТВ. Чаму ўлады не зьнішчаюць агітацыю РНЕ ў Шклове? Гэтае пытаньне хвалюе мясцовых дэмакратаў. Гаворыць кіраўнік абласной арганізацыі партыі БНФ Рыгор Костусеў:
(Костусеў: ) “На нашы звароты ў райвыканкам з абуральнымі фактамі пастаянных налепак, надпісаў фарбамі ды іншых улётак райвыканкамаўскія службы ўвагу не зьвяртаюць да гэтай пары”.
Чаму так адбываецца – сваё меркваньне выказвае рэдактар незалежнай газэты “Шклоўскія навіны”, сацыял-дэмакрат Аляксандар Шчарбак:
(Шчарбак: ) “Уладам, відаць, гэтая арганізацыя сёньня патрэбная. Калі мы напішам “Жыве Беларусь!” чырвонай фарбай, то адразу замазваюць, а РНЕ вісіць тры-чатыры дні. Як мы не зрываем, так ніхто іх і не зрывае”.
Паводле апошняй інфармацыі, улёткі і надпісы РНЕ таксама зьявіліся на шыльдах сельскіх гаспадарак і на аўтобусных прыпынках у вёсках Шклоўскага раёну.
Наколькі гэтая агітацыя стасуецца зь цяперашняй кампаніяй, якая акцэнтуе стабільнасьць у Беларусі? Намесьнік старшыні Шклоўскага райвыканкаму ў справах ідэалёгіі Леанід Буевіч зьдзівіўся гэтаму пытаньню:
(Буевіч: ) “Вось толькі йшоў літаральна па цэнтры горада й нічога не бачыў”.
Аднак побач з будынкам райвыканкаму на сьценах жылых дамоў ёсьць і ўлёткі РНЕ, і намаляваныя вялізныя чорныя літары. Шклоўцы іх заўважаюць і абураюцца.
(Спадарыня: ) “Я, напрыклад, адмоўна стаўлюся і свайму дзіцю, у мяне дарослы ўнук, кажу, каб ня браў у гэтым удзелу”.
(Хлопец: ) “РНЕ – гэта фашыстоўская арганізацыя, яна не вядзе да дэмакартыі, а вядзе да таталітарнага рэжыму”.
(Спадар: ) “Гэта нікому не патрэбна. Нам бы хоць са сваім разабрацца, чым у расейскае лезьці”.
(Спадарыня: ) “Натуральна, што фашыстоўскім арганізацыям ня месца тут”.
Паводле неафіцыйных зьвестак, шклоўская групоўка РНЕ складаецца зь дзесятка маладых людзей, у асноўным – выпускнікоў ПТВ. Чаму ўлады не зьнішчаюць агітацыю РНЕ ў Шклове? Гэтае пытаньне хвалюе мясцовых дэмакратаў. Гаворыць кіраўнік абласной арганізацыі партыі БНФ Рыгор Костусеў:
(Костусеў: ) “На нашы звароты ў райвыканкам з абуральнымі фактамі пастаянных налепак, надпісаў фарбамі ды іншых улётак райвыканкамаўскія службы ўвагу не зьвяртаюць да гэтай пары”.
Чаму так адбываецца – сваё меркваньне выказвае рэдактар незалежнай газэты “Шклоўскія навіны”, сацыял-дэмакрат Аляксандар Шчарбак:
(Шчарбак: ) “Уладам, відаць, гэтая арганізацыя сёньня патрэбная. Калі мы напішам “Жыве Беларусь!” чырвонай фарбай, то адразу замазваюць, а РНЕ вісіць тры-чатыры дні. Як мы не зрываем, так ніхто іх і не зрывае”.
Паводле апошняй інфармацыі, улёткі і надпісы РНЕ таксама зьявіліся на шыльдах сельскіх гаспадарак і на аўтобусных прыпынках у вёсках Шклоўскага раёну.
