КІШЭНЭЎ. Малдова і Беларусь падпішуць міжурадавае пагадненьне пра узаемныя бязьвізавыя паездкі грамадзянаў. МЗС Беларусі чакае ад Малдовы паведамленьня пра месца і дату падпісаньня дамовы. Цяпер дзейнічае пагадненьне пра бязьвізавыя паездкі грамадзянаў СНД на тэрыторыі краінаў СНД, якое было падпісанае у 1992 годзе. Гэтае пагадненьне падпісалі Беларусь, Азэрбайджан, Арменія, Грузія, Кыргыстан, Малдова і Таджыкістан.