Кіраўнік Фэдэрацыі прафсаюзаў Беларусі Леанід Козік абвесьціў на прэсавай канфэрэнцыі, што ФПБ вырашыла ўзяць актыўны ўдзел у выбарах дэпутатаў Палаты прадстаўнікоў ды ўжо вылучыла кандыдатаў у акруговыя выбарчыя камісіі. Афіцыйныя прафсаюзы сфармулявалі мэту: мець прынамсі 10–11 чалавек у парлямэнце. Будзе складзены сьпіс тых кандыдатаў, якіх падтрымлівае ФПБ. У гэты сьпіс увойдуць прыблізна 50 чалавек.
Сам спадар Козік, вылучаны працоўным калектывам у Барысаве, даў згоду балятавацца з умовай, што застанецца лідэрам ФПБ. У новым парлямэнце ён мяркуе ачольваць прафсаюзную групу дэпутатаў ды мае яшчэ адну мэту:
(Козік: ) “Я буду абараняць правы чалавека. Разам з прэзыдэнтам. Буду яму дапамагаць, таму што прэзыдэнт у нас — галоўны абаронца”.
Пакуль жа ФПБ пад кіраўніцтвам спадара Козіка даслала сваім рэгіянальным структурам праект закону аб зьменах у законе аб прафсаюзах. Лідэр Беларускага кангрэсу дэмакратычных прафсаюзаў Аляксандар Ярашук так пракамэнтаваў гэты дакумэнт:
(Ярашук: ) “Тут запісана, што рэспубліканскім прызнаецца прафсаюз, які аб’ядноўвае ня менш за 30 тысяч грамадзян. Выснову можна зрабіць наступную: найлепшым сродкам ад галаўной хваробы ёсьць гільятына, гэтак жа вырашаюць праблему незалежнага прафсаюзнага руху, таму што, вядома ж, ні па якіх крытэрах нашы прафсаюзы й блізка ня могуць падыходзіць да гэтых стандартаў, якія ўводзяцца”.
Спадар Ярашук заявіў, што такім чынам хочуць стварыць прафсаюзную вэртыкаль, якую можна будзе выкарыстоўваць у патрэбных уладзе мэтах.
(Ярашук: ) “Галоўная мэта вярхоўнай улады — зьберагчы сябе на трэці й, можа, на далейшыя тэрміны. Аб гэтым таксама паважаны Леанід Пятровіч раней гаварыў. А ўжо якім чынам гэта будзе адбывацца, як будзе ФПБ спрыяць таму, каб увекавечыць нашу ўладу — ці то праз рэфэрэндум, ці то праз Нацыянальны сход (менавіта таму й павінны яны быць прадстаўленыя ў парлямэнце), — гэта ўжо трэцяя справа”.
Вось як камэнтуе гэта сам Леанід Козік:
(Козік: ) “Каб гэтыя злыя языкі не балбаталі абы-чаго, было бы лепш. Вы памятаеце, як усе — “Козік хутка абвесьціць рэфэрэндум, Козік тое, Козік сёе”. А я ж пра рэфэрэндум казаў толькі з адной мэтай — атрымаць права заканадаўчай ініціятывы для прафсаюзаў”.
Дык ці будзе абвешчаны сёлета рэфэрэндум? На гэтае пытаньне кіраўнік ФПБ адказаў:
(Козік: ) “Яшчэ ёсьць тэрмін для абвешчаньня рэфэрэндуму ў дзень правядзеньня выбараў у парлямэнт. Калі такое рашэньне кіраўнік дзяржавы прыме — гэта адпавядае нашым законам, Канстытуцыі, — дык мы будзем пра гэта ведаць хутка”.
(Карэспандэнт: ) “Вы маеце інфармацыю, што ён зьбіраецца прымаць такое рашэньне?”
(Козік: ) “Ён мне не казаў. Я ня ведаю. Адкуль жа я магу ведаць? Вось, можа, на дзень нараджэньня спытаемся”.
У панядзелак, калі Аляксандар Лукашэнка будзе сьвяткаваць сваё 50-годзьдзе, старшыня ФПБ Леанід Козік хоча ўручыць яму юбілейны мэдаль “100 гадоў прафсаюзнаму руху Беларусі”.
Сам спадар Козік, вылучаны працоўным калектывам у Барысаве, даў згоду балятавацца з умовай, што застанецца лідэрам ФПБ. У новым парлямэнце ён мяркуе ачольваць прафсаюзную групу дэпутатаў ды мае яшчэ адну мэту:
(Козік: ) “Я буду абараняць правы чалавека. Разам з прэзыдэнтам. Буду яму дапамагаць, таму што прэзыдэнт у нас — галоўны абаронца”.
Пакуль жа ФПБ пад кіраўніцтвам спадара Козіка даслала сваім рэгіянальным структурам праект закону аб зьменах у законе аб прафсаюзах. Лідэр Беларускага кангрэсу дэмакратычных прафсаюзаў Аляксандар Ярашук так пракамэнтаваў гэты дакумэнт:
(Ярашук: ) “Тут запісана, што рэспубліканскім прызнаецца прафсаюз, які аб’ядноўвае ня менш за 30 тысяч грамадзян. Выснову можна зрабіць наступную: найлепшым сродкам ад галаўной хваробы ёсьць гільятына, гэтак жа вырашаюць праблему незалежнага прафсаюзнага руху, таму што, вядома ж, ні па якіх крытэрах нашы прафсаюзы й блізка ня могуць падыходзіць да гэтых стандартаў, якія ўводзяцца”.
Спадар Ярашук заявіў, што такім чынам хочуць стварыць прафсаюзную вэртыкаль, якую можна будзе выкарыстоўваць у патрэбных уладзе мэтах.
(Ярашук: ) “Галоўная мэта вярхоўнай улады — зьберагчы сябе на трэці й, можа, на далейшыя тэрміны. Аб гэтым таксама паважаны Леанід Пятровіч раней гаварыў. А ўжо якім чынам гэта будзе адбывацца, як будзе ФПБ спрыяць таму, каб увекавечыць нашу ўладу — ці то праз рэфэрэндум, ці то праз Нацыянальны сход (менавіта таму й павінны яны быць прадстаўленыя ў парлямэнце), — гэта ўжо трэцяя справа”.
Вось як камэнтуе гэта сам Леанід Козік:
(Козік: ) “Каб гэтыя злыя языкі не балбаталі абы-чаго, было бы лепш. Вы памятаеце, як усе — “Козік хутка абвесьціць рэфэрэндум, Козік тое, Козік сёе”. А я ж пра рэфэрэндум казаў толькі з адной мэтай — атрымаць права заканадаўчай ініціятывы для прафсаюзаў”.
Дык ці будзе абвешчаны сёлета рэфэрэндум? На гэтае пытаньне кіраўнік ФПБ адказаў:
(Козік: ) “Яшчэ ёсьць тэрмін для абвешчаньня рэфэрэндуму ў дзень правядзеньня выбараў у парлямэнт. Калі такое рашэньне кіраўнік дзяржавы прыме — гэта адпавядае нашым законам, Канстытуцыі, — дык мы будзем пра гэта ведаць хутка”.
(Карэспандэнт: ) “Вы маеце інфармацыю, што ён зьбіраецца прымаць такое рашэньне?”
(Козік: ) “Ён мне не казаў. Я ня ведаю. Адкуль жа я магу ведаць? Вось, можа, на дзень нараджэньня спытаемся”.
У панядзелак, калі Аляксандар Лукашэнка будзе сьвяткаваць сваё 50-годзьдзе, старшыня ФПБ Леанід Козік хоча ўручыць яму юбілейны мэдаль “100 гадоў прафсаюзнаму руху Беларусі”.
