КАБУЛ. 12 супернікаў Хаміда Карзаі на будучых прэзыдэнцкіх выбарах працягваюць патрабаваць ягонай адстаўкі, пагражаючы, у адваротным выпадку, байкотам выбараў.
Пра гэта заявіў сёньня ў Кабуле адзін з прэтэндэнтаў на пасаду прэзыдэнта Ліціф Пірам.
(Пірам) “Мы ізноў абмеркавалі пытаньне пра адстаўку Карзая і ягонага кабінэту. Гэта было і застаецца нашым галоўным патрабаваньнем. Мы ізноў заяўляем, што калі ня будзе зьменены склад выбарчай камісіі, а Карзай адмовіцца сысьці ў адстаўку – мы будзем байкатаваць выбары”
Сярод тых, хто патрабуе адстаўкі Карзая і ягоны галоўны супернік Юнус Кануні.