КАБУЛ. У Аўганістане прыпыніўся суд над трыма амэрыканцамі, якія арганізавалі ў гэтай краіне прыватную турму. Іх абвінавачваюць у захопах і зьдзеках над зьняволенымі. Суд адкладзены на сем дзён дзеля дасьледаваньня доказаў іх сувязяў з Фэдэральным бюро выведкі, якія сёньня Бюро даслала назад у Аўганістан. Былы амэрыканскі вайсковец Джонатан Ідэма, які кіраваў турмой, гаворыць, што ён і ягоныя людзі змагаліся з тэрарызмам з дазволу афіцыйных амэрыканскіх уладаў. Улады ЗША і Аўганістану адмаўляюць дачыненьне да гэтага.