ТЭГЕРАН. Улады Ірану заклікалі часовы ўрад Іраку забясьпечыць як мага хутчэйшае вызваленьне іранскага дыплямата, які зьнік на мінулым тыдні па дарозе з Багдаду ў горад Кербала. Адказнасьць за зьнікненьне ўзяла на сябе групоўка Ісламскае войска Іраку. Яна пагражае забіць дыплямата, калі Іран ня вызваліць некалькі сотняў ірацкіх вязьняў, якія нібыта знаходзяцца ў турме ад часоў ірана-ірацкай вайны ў 1980-я гады.