БАГДАД. Ірацкая узброенная групоўка пагражае забіць іранскага дыплямата, якога трымае у закладніках ад мінулага тыдню. Групоўка патрабуе ад Ірану вызваленьня ірацкіх вязьняў. Захопнікі даюць Ірану 48 гадзінаў на тое, каб вызваліць 500 вязьняў, якія трымаюцца у Іране ад часоў вайны у Пэрсіцкай затоцы у 1991 годзе і ад заканчэньня ірана-ірацкай вайны у 1988 годзе. Гэнэрал Абдула Нэджэфі, які ачольвае У Іране камісію па вязьнях вайны, заявіў, што у Іране няма ірацкіх вязьняў вайны.