Акцыя, скіраваная супраць знаходжаньня на тэрыторыі Беларусі расейскай вайсковай радыёлякацыйнай станцыі “Волга”, скончылася датэрмінова.
Расейскі аб’ект “Волга” месьціцца на тэрыторыі Клецкага раёну, але блізу райцэнтру Ганцавічы й Ляхавіцкага раёну. Падобную ж акцыю сябры Партыі БНФ ладзілі летась у ваколіцах расейскай вайсковай станцыі сувязі пад Вілейкай. Тады пратэстоўцы здолелі прайсьці больш за сто кілямэтраў без усялякай перашкоды з боку мясцовай улады. Сёлетнюю выправу адзін з арганізатараў Павал Батуеў параўноўвае з дэтэктывам.
(Батуеў: ) “За табой увесь час міліцыянты езьдзяць. У кожным раёне цябе знаходзяць, і прыяжджаюць правяраць”.
Нагадаем хаду падзеяў. 2 жніўня – старт у Ляхавіцкім раёне, і працяг ў суседнім Клецкім, на тэрыторыі якога месьціцца РЛС “Волга”. Увечары 3 жніўня клецкая міліцыя затрымлівае ўдзельнікаў, і цягам усяе начы пільнуе іхны лягер у лесе. 4 жніўня ў Клецку арганізатару акцыі Паўлу Батуеву выпісваюць позву ў суд на 9 жніўня, а непаўнагадовыя вяртаюцца дадому.
Увечары таго ж дня – 4 жніўня – расейскія вайскоўцы блякуюць мікрааўтобус, на якім маладыя людзі перавозілі рэчы да новай начной стаянкі. Расейцы выклікаюць клецкую міліцыю. Паводле суарганізатара выправы Юрася Зянковіча, без умяшаньня расейцаў акцыя магла б адбывацца больш спакойна.
(Зянковіч: ) “Паводле неафіцыйнай інфармацыі, я ведаю, што кіраўніцтва расейскай вайсковай часткі паведаміла ў Маскву, Масква паскардзілася ў Менск, а ўжо зь Менску загадалі мясцовым уладам распачаць нейкія захады да нас”.
Пасьля разьбіральніцтва ў Клецкім райаддзеле міліцыі позна ўвечары пратэстоўцаў адпускаюць, бо ў іхных дзеяньнях не знаходзяць правапарушэньня: мікрааўтобус адно прыпыніўся ў некалькіх сотнях мэтраў ад РЛС. Камэнтар начальніка клецкай міліцыі.
(Начальнік: ) “Мы мірна й палюбоўна разыходзімся. У нас хапае пытаньняў па зборы ўраджаю”.
Уначы 5 жніўня ўдзельнікі разгортваюць лягер на тэрыторыі Ганцавіцкага раёну – між райцэнтрам і РЛС “Волга”. Але ранкам 5 жніўня новы канфлікт правакуе ганцавіцкая міліцыя. Намесьнік кіраўніка міліцыі й ягоныя падначаленыя спрабуюць абшукаць мікрааўтобус, дзе ляжаць улёткі.
Пасьля адмовы да ўдзельнікаў акцыі “РЛС – пагроза для Беларусі” прыстаўляюць міліцэйскі патруль – акцыя заблякавана. Але пад наглядам міліцыі пратэстоўцы кіруюцца да мяжы зь Ляхавіцкім раёнам. Там па вёсках раздаюць улёткі, і акцыю згортваюць: на дзень раней. Павал Батуеў ацэньвае выправу як пасьпяховую.
(Батуеў: ) “Шмат хто толькі з нашых словаў даведаўся, што гэтая станцыя расейская, і лягічна ў іх узьнікала пытаньне: “А што гэтая станцыя робіць на нашай зямлі”.
На наступны год заплянавана новая палітычна-экалягічная акцыя вакол РЛС “Волга”. Удзельнікі маюць намер патрапіць у бальшыню вёсак, якія месьцяцца вакол расейскага вайсковага аб’екту.
Расейскі аб’ект “Волга” месьціцца на тэрыторыі Клецкага раёну, але блізу райцэнтру Ганцавічы й Ляхавіцкага раёну. Падобную ж акцыю сябры Партыі БНФ ладзілі летась у ваколіцах расейскай вайсковай станцыі сувязі пад Вілейкай. Тады пратэстоўцы здолелі прайсьці больш за сто кілямэтраў без усялякай перашкоды з боку мясцовай улады. Сёлетнюю выправу адзін з арганізатараў Павал Батуеў параўноўвае з дэтэктывам.
(Батуеў: ) “За табой увесь час міліцыянты езьдзяць. У кожным раёне цябе знаходзяць, і прыяжджаюць правяраць”.
Нагадаем хаду падзеяў. 2 жніўня – старт у Ляхавіцкім раёне, і працяг ў суседнім Клецкім, на тэрыторыі якога месьціцца РЛС “Волга”. Увечары 3 жніўня клецкая міліцыя затрымлівае ўдзельнікаў, і цягам усяе начы пільнуе іхны лягер у лесе. 4 жніўня ў Клецку арганізатару акцыі Паўлу Батуеву выпісваюць позву ў суд на 9 жніўня, а непаўнагадовыя вяртаюцца дадому.
Увечары таго ж дня – 4 жніўня – расейскія вайскоўцы блякуюць мікрааўтобус, на якім маладыя людзі перавозілі рэчы да новай начной стаянкі. Расейцы выклікаюць клецкую міліцыю. Паводле суарганізатара выправы Юрася Зянковіча, без умяшаньня расейцаў акцыя магла б адбывацца больш спакойна.
(Зянковіч: ) “Паводле неафіцыйнай інфармацыі, я ведаю, што кіраўніцтва расейскай вайсковай часткі паведаміла ў Маскву, Масква паскардзілася ў Менск, а ўжо зь Менску загадалі мясцовым уладам распачаць нейкія захады да нас”.
Пасьля разьбіральніцтва ў Клецкім райаддзеле міліцыі позна ўвечары пратэстоўцаў адпускаюць, бо ў іхных дзеяньнях не знаходзяць правапарушэньня: мікрааўтобус адно прыпыніўся ў некалькіх сотнях мэтраў ад РЛС. Камэнтар начальніка клецкай міліцыі.
(Начальнік: ) “Мы мірна й палюбоўна разыходзімся. У нас хапае пытаньняў па зборы ўраджаю”.
Уначы 5 жніўня ўдзельнікі разгортваюць лягер на тэрыторыі Ганцавіцкага раёну – між райцэнтрам і РЛС “Волга”. Але ранкам 5 жніўня новы канфлікт правакуе ганцавіцкая міліцыя. Намесьнік кіраўніка міліцыі й ягоныя падначаленыя спрабуюць абшукаць мікрааўтобус, дзе ляжаць улёткі.
Пасьля адмовы да ўдзельнікаў акцыі “РЛС – пагроза для Беларусі” прыстаўляюць міліцэйскі патруль – акцыя заблякавана. Але пад наглядам міліцыі пратэстоўцы кіруюцца да мяжы зь Ляхавіцкім раёнам. Там па вёсках раздаюць улёткі, і акцыю згортваюць: на дзень раней. Павал Батуеў ацэньвае выправу як пасьпяховую.
(Батуеў: ) “Шмат хто толькі з нашых словаў даведаўся, што гэтая станцыя расейская, і лягічна ў іх узьнікала пытаньне: “А што гэтая станцыя робіць на нашай зямлі”.
На наступны год заплянавана новая палітычна-экалягічная акцыя вакол РЛС “Волга”. Удзельнікі маюць намер патрапіць у бальшыню вёсак, якія месьцяцца вакол расейскага вайсковага аб’екту.
