Багдад. На блёк-посьце ля гораду Баакуба ў выніку выбуху загінулі тры ірацкія вайскоўцы, чацьвёра – параненыя. Тры амэрыканскія вайскоўцы загінулі ў Іраку ў апошнія суткі. Адзін зь іх забіты ў правінцыі Ан-Анбар пад час сутыкненьня, двое – у Багдадзе, у выніку выбуху аўтамабілю. У выніку выбуху сёньня загінуў начальнік паліцэйскага падразьдзяленьня ў Багдадзе. На поўначы Іраку ўзарваны нафтаправод. Асацыяцыя транспарціроўшчыкаў Турэччыны спыніла дастаўку грузаў амэрыканскім войскам у Іраку пасьля таго, як тэрарысты забілі захопленага грамадзяніна Турэччыны.