У рэгіёне, паводле нядаўняга распараджэньня кіраўніка дзяржавы, распрацоўваюцца турыстычныя маршруты. Яны мусяць быць завязаны ў адно вялікае кола, якое ахапіла б большую частку вобласьці.
Ветка традыцыйна паказвае свой музэй народнай творчасьці, дзе сабраны мастацкія рэчы культуры стараабрадцаў. Цяпер тут плянуюць свой “экстрым”: каля паловы раёну з прычыны радыяцыі адселена, але ж заражаную тэрыторыю хочуць неяк “прыручыць”. Вось што, у прыватнасьці, кажа намесьнік старшыні райвыканкаму Міхась Прыходзька:
(Прыходзька: ) “Да нас едуць паглядзець на разваленыя вёскі. Мы і вырашылі з гэтага прыдбаць нейкую капейку”.
А што зьбіраюцца веткаўцы паказваць і чым займаць турыстаў у “зоне”? Паводле спадара Прыходзькі, турыстам можна зарганізаваць паляваньне, рыбалку, водны паход на лодках уніз па рацэ Бесядзь.
Не выключаюць веткаўскія “сталкеры”, што турыстаў можа зацікавіць і радзіма савецкага міністра замежных спраў Андрэя Грамыкі – містэра “Не”, як яго называлі на Захадзе. Вёска Грамыкі таксама выселеная.
Наколькі чарнобыльскі экстрэмальны турызм можа зацікавіць замежнікаў, якія надзвычай паважна ставяцца да свайго здароўя – у іх з сабой дазімэтры, калькулятары – пэўна адказаць цяжка. Я пацікавіўся, ці багата турыстаў наогул наведвае Гомельшчыну. Ва ўправе статыстыкі паведамілі, што па лініі турыстычных агенцтваў летась у рэгіёне пабывала 584 замежнікі. Найбольш – зь Нямеччыны, Італіі, Ізраілю. Нават са Злучаных Штатаў Амэрыкі прыяжджалі 34 чалавекі, але гэта пераважна эмігранты. Турызм агулам прынёс рэгіёну ўсяго толькі 60 мільёнаў беларускіх рублёў, 12 тысячаў даляраў і 20 тысячаў эўра.
Наколькі вядома, чарнобыльскія турыстычныя маршруты даўно ўжо існуюць ва Украіне: сам я двойчы быў на атамнай станцыі, а таксама ў горадах Прыпяць і Чарнобыль.Чаму да гэтага часу не было іх у заражаных раёнах Гомельшчыны, найбольш пацярпелай ад катастрофы? Мне падаецца, што чарнобыльскія турыстычныя маршруты тут ня ладзіліся таму, што не было адпаведнай каманды “зьверху”.
Памятаю, як у красавіку 2001 Аляксандр Лукашэнка, прыляцеўшы на гелікаптэры ў Палескі дзяржаўны радыялягічны запаведнік, дакладней, у выселеную вёсцы Бабчын Хойніцкага раёну, раіў апазыцыі арганізоўваць тут чарнобыльскія шэсьці:
(Лукашэнка: ) “Я прапанаваў апазыцыі правесьці тут “Чарнобыльскі шлях” і папрасіў улады, каб яны пачысьцілі дарогу ад Масаноў да вось гэтай кропкі. Мы б 30 кілямэтраў адтуль, ад Прыпяці, ад мяжы з Украінаю – я наперадзе, вы (журналісты – аўт.) за мною, яны ўжо ўсьлед за намі прайшлі б гэтым шляхам, урачыстым маршам”.
Так раіў кіраўнік дзяржавы. Іншага распараджэньня да апошняга часу не было.
Ветка традыцыйна паказвае свой музэй народнай творчасьці, дзе сабраны мастацкія рэчы культуры стараабрадцаў. Цяпер тут плянуюць свой “экстрым”: каля паловы раёну з прычыны радыяцыі адселена, але ж заражаную тэрыторыю хочуць неяк “прыручыць”. Вось што, у прыватнасьці, кажа намесьнік старшыні райвыканкаму Міхась Прыходзька:
(Прыходзька: ) “Да нас едуць паглядзець на разваленыя вёскі. Мы і вырашылі з гэтага прыдбаць нейкую капейку”.
А што зьбіраюцца веткаўцы паказваць і чым займаць турыстаў у “зоне”? Паводле спадара Прыходзькі, турыстам можна зарганізаваць паляваньне, рыбалку, водны паход на лодках уніз па рацэ Бесядзь.
Не выключаюць веткаўскія “сталкеры”, што турыстаў можа зацікавіць і радзіма савецкага міністра замежных спраў Андрэя Грамыкі – містэра “Не”, як яго называлі на Захадзе. Вёска Грамыкі таксама выселеная.
Наколькі чарнобыльскі экстрэмальны турызм можа зацікавіць замежнікаў, якія надзвычай паважна ставяцца да свайго здароўя – у іх з сабой дазімэтры, калькулятары – пэўна адказаць цяжка. Я пацікавіўся, ці багата турыстаў наогул наведвае Гомельшчыну. Ва ўправе статыстыкі паведамілі, што па лініі турыстычных агенцтваў летась у рэгіёне пабывала 584 замежнікі. Найбольш – зь Нямеччыны, Італіі, Ізраілю. Нават са Злучаных Штатаў Амэрыкі прыяжджалі 34 чалавекі, але гэта пераважна эмігранты. Турызм агулам прынёс рэгіёну ўсяго толькі 60 мільёнаў беларускіх рублёў, 12 тысячаў даляраў і 20 тысячаў эўра.
Наколькі вядома, чарнобыльскія турыстычныя маршруты даўно ўжо існуюць ва Украіне: сам я двойчы быў на атамнай станцыі, а таксама ў горадах Прыпяць і Чарнобыль.Чаму да гэтага часу не было іх у заражаных раёнах Гомельшчыны, найбольш пацярпелай ад катастрофы? Мне падаецца, што чарнобыльскія турыстычныя маршруты тут ня ладзіліся таму, што не было адпаведнай каманды “зьверху”.
Памятаю, як у красавіку 2001 Аляксандр Лукашэнка, прыляцеўшы на гелікаптэры ў Палескі дзяржаўны радыялягічны запаведнік, дакладней, у выселеную вёсцы Бабчын Хойніцкага раёну, раіў апазыцыі арганізоўваць тут чарнобыльскія шэсьці:
(Лукашэнка: ) “Я прапанаваў апазыцыі правесьці тут “Чарнобыльскі шлях” і папрасіў улады, каб яны пачысьцілі дарогу ад Масаноў да вось гэтай кропкі. Мы б 30 кілямэтраў адтуль, ад Прыпяці, ад мяжы з Украінаю – я наперадзе, вы (журналісты – аўт.) за мною, яны ўжо ўсьлед за намі прайшлі б гэтым шляхам, урачыстым маршам”.
Так раіў кіраўнік дзяржавы. Іншага распараджэньня да апошняга часу не было.
