Бобрская драма адбылася летась 30 сьнежня. Паводле Карпекі, за прычыну сталі шматмесяцавыя затрымкі заробкаў. На знак пратэсту рабочы вырашыў падпаліць сябе ў дырэктарскім кабінэце. Кіраўнік заводу Тамаз Гаргадзэ спрабаваў выхапіць бутэльку з палівам з рук рабочага, аднак у выніку валтузьні бэнзын разьліўся – і абодва атрымалі апёкі. Пракуратура палічыла Карпеку вінаватым і запатрабавала ягонага пакараньня. Вось што пра гэта распавёў сам Уладзімер Карпека.
(Карпека: ) “Дзяржаўны вінаваўца запатрабавала чатыры гады “хіміі”. Што я падумаў? Мнагавата будзе. Дырэктар нічога пэўнага не сказаў. Ён, калі шчыра, выглядаў, як пабіты сабака. Ёсьць рознагалосьсі ў паказаньні дырэктара й галоўных сьведак. Паказаньні пажарнатэхнічнай экспэртызы пацьвярджаюць мае паказаньні, а не дырэктаравы. Ён што казаў, тое й кажа. Справа ў тым, што нават у судзе я сядзеў у залі, а грузін сядзеў на месцы зьвінавачанага – за кратамі. Бо яго прывялі пад аховай, у кайданкох, і адразу за краты пасадзілі”.
Спадар Гаргадзэ, якога, адрозна ад Карпекі, падтрымлівалі крупскія ўлады, некалькі тыдняў таму быў затрыманы й цяпер знаходзіцца ў сьледчым ізалятары ў Менску. Што паслугавала ягонаму затрыманьню? З такім пытаньнем я зьвярнуўся да прадстаўніцы прэсавай службы пракуратуры Менскай вобласьці Тацяны Калінінай. Аднак пэўнага адказу ад яе не атрымаў.
(Калініна: ) “Там нейкая крымінальная справа заведзена ў дачыненьні да яго”.
(Карэспандэнт: ) “А хто яе адкрыў?”
(Калініна: ) “Гэтага я ня ведаю. У мяне няма такой інфармацыі”.
Нягледзячы на адсутнасьць афіцыйнай інфармацыі пра матывы затрыманьня дырэктара Бобрскага сьпіртзаводу, жыхары мястэчка мяркуюць, што спадар Гаргадзэ падазраецца ў эканамічных злачынствах. Прычым, паводле месьцічаў, ягонымі хаўрусьнікамі ў незаконных дзеяньнях былі прадстаўнікі ўлады. Аднак у Крупскім райвыканкаме ад камэнтароў на гэты конт адмаўляюцца.
Нязважна на гучны розгалас бобрскіх падзеяў, прадстаўнікоў райвыканкаму на сёньняшнім судовым паседжаньні не было. Між тым, як паведамілі нашаму Радыё ў Крупскім райсудзе, прысуд па справе Карпекі будзе абвешчаны ўжо заўтра.
(Карпека: ) “Дзяржаўны вінаваўца запатрабавала чатыры гады “хіміі”. Што я падумаў? Мнагавата будзе. Дырэктар нічога пэўнага не сказаў. Ён, калі шчыра, выглядаў, як пабіты сабака. Ёсьць рознагалосьсі ў паказаньні дырэктара й галоўных сьведак. Паказаньні пажарнатэхнічнай экспэртызы пацьвярджаюць мае паказаньні, а не дырэктаравы. Ён што казаў, тое й кажа. Справа ў тым, што нават у судзе я сядзеў у залі, а грузін сядзеў на месцы зьвінавачанага – за кратамі. Бо яго прывялі пад аховай, у кайданкох, і адразу за краты пасадзілі”.
Спадар Гаргадзэ, якога, адрозна ад Карпекі, падтрымлівалі крупскія ўлады, некалькі тыдняў таму быў затрыманы й цяпер знаходзіцца ў сьледчым ізалятары ў Менску. Што паслугавала ягонаму затрыманьню? З такім пытаньнем я зьвярнуўся да прадстаўніцы прэсавай службы пракуратуры Менскай вобласьці Тацяны Калінінай. Аднак пэўнага адказу ад яе не атрымаў.
(Калініна: ) “Там нейкая крымінальная справа заведзена ў дачыненьні да яго”.
(Карэспандэнт: ) “А хто яе адкрыў?”
(Калініна: ) “Гэтага я ня ведаю. У мяне няма такой інфармацыі”.
Нягледзячы на адсутнасьць афіцыйнай інфармацыі пра матывы затрыманьня дырэктара Бобрскага сьпіртзаводу, жыхары мястэчка мяркуюць, што спадар Гаргадзэ падазраецца ў эканамічных злачынствах. Прычым, паводле месьцічаў, ягонымі хаўрусьнікамі ў незаконных дзеяньнях былі прадстаўнікі ўлады. Аднак у Крупскім райвыканкаме ад камэнтароў на гэты конт адмаўляюцца.
Нязважна на гучны розгалас бобрскіх падзеяў, прадстаўнікоў райвыканкаму на сёньняшнім судовым паседжаньні не было. Між тым, як паведамілі нашаму Радыё ў Крупскім райсудзе, прысуд па справе Карпекі будзе абвешчаны ўжо заўтра.
