Галадаваньне Валер Леванеўскі абвесьціў у мінулы чацьвер. Ён пратэстуе супраць таго, што турэмнае начальства не рэагуе на ягоныя скаргі датычна ўмоваў утрыманьня. А гэтыя ўмовы, паводле самога вязьня, сталі невыноснымі. Марына Леванеўская днямі сустракалася з мужам у турэмным памяшканьні для спатканьняў. Яна кажа, што ў камэру падсялілі суседа, які чапляецца да Леванеўскага, паводзіцца неадэкватна, не дае спаць. Былыя супрацоўнікі турмы расказалі жонцы Валер’я, што гэта звычайная практыка: з мэтай псыхалягічнага ціску на кагосьці ў камэру памяшчаюць сварлівага чалавека, якому за гэта абяцаюць нейкія палёгкі.
Сёньня я паспрабаваў высьветліць, як здароўе Валер’я Леванеўскага на пяты дзень галадаваньня? Але начальнік турэмнай мэдчасткі Алег Чычкоў адмовіўся гаварыць пра гэта. Ён толькі прызнаўся, што раней Валер Леванеўскі зьвяртаўся да яго са скаргамі на здароўе, і ён гутарыў з спадаром Леванеўскім, як і зь іншымі, зрэшты, зьняволенымі пацыентамі.
Турэмны мэдык параіў мне лепей зьвярнуцца ў мясцовы камітэт выкананьня пакараньняў. Аднак начальнік камітэту Аляксандар Нічыпарук толькі выказаў зьдзіўленьне, пачуўшы, што Валер Леванеўскі галадуе ў сьледчым ізалятары.
Дарэчы, у нядзелю старэйшага сына сп. Леванеўскага – Зьмітра – затрымала ў Слоніме міліцыя. Ён распаўсюджваў на рынку бюлетэнь “Предприниматель” і ўлёткі, у якіх паведамляліся навіны ад бацькі. Зьмітра Леванеўскага пратрымалі ў пастарунку больш за тры гадзіны й склалі пратакол канфіскацыі ўлётак і бюлетэняў.
Сёньня я паспрабаваў высьветліць, як здароўе Валер’я Леванеўскага на пяты дзень галадаваньня? Але начальнік турэмнай мэдчасткі Алег Чычкоў адмовіўся гаварыць пра гэта. Ён толькі прызнаўся, што раней Валер Леванеўскі зьвяртаўся да яго са скаргамі на здароўе, і ён гутарыў з спадаром Леванеўскім, як і зь іншымі, зрэшты, зьняволенымі пацыентамі.
Турэмны мэдык параіў мне лепей зьвярнуцца ў мясцовы камітэт выкананьня пакараньняў. Аднак начальнік камітэту Аляксандар Нічыпарук толькі выказаў зьдзіўленьне, пачуўшы, што Валер Леванеўскі галадуе ў сьледчым ізалятары.
Дарэчы, у нядзелю старэйшага сына сп. Леванеўскага – Зьмітра – затрымала ў Слоніме міліцыя. Ён распаўсюджваў на рынку бюлетэнь “Предприниматель” і ўлёткі, у якіх паведамляліся навіны ад бацькі. Зьмітра Леванеўскага пратрымалі ў пастарунку больш за тры гадзіны й склалі пратакол канфіскацыі ўлётак і бюлетэняў.
