Напачатку міністар адукацыі Аляксандар Радзькоў прапанаваў кіраўніцтву ўнівэрсытэту правесьці перамовы пра гарантыі існаваньня ВНУ ў выпадку адстаўкі Анатоля Міхайлава. Аднак раптоўна ён спыніў перамовы й запатрабаваў адстаўкі рэктара ва ультыматыўнай форме, пагражаючы вялікімі непрыемнасьцямі. Якія неўзабаве й узьніклі. Пра гэта ў інтэрвію радыё Свабода паведаміў прарэктар Уладзімер Дунаеў.
(Дунаеў: ) “Нам паступіў ліст з галоўнага гаспадарчага ўпраўленьня пра высяленьне нас з навучальнага корпусу на абсалютна незаконнай падставе. Потым зьявілася камісія Мінадукацыі ў справе выкананьня ліцэнзійных патрабаваньняў. І ад сёньня ізноў працуе чарговая падатковая камісія – мне ўжо цяжка палічыць іх”.
Акрамя таго, ня вырашаным застаецца пытаньне ў справе пераатэстацыі ўзроўню навучальнага працэсу. Спадар Дунаеў перакананы, што ўсе гэтыя захады дзяржаўных органаў скіраваны на закрыцьцё ВНУ. У Міністэрстве адукацыі ад камэнтароў ухіляюцца, але кіраўнік управы вышэйшай адукацыі Юры Міксюк сказаў наступнае.
(Міксюк: ) “У агульных рысах ведаю сытуацыю: нас праінфармавалі, што, аказваецца, у іх няма плошчаў – патрэбнай колькасьці. Таму накіравана праверка на адпаведнасьць ліцэнзійным патрабаваньням – у тым ліку, і па колькасьці памяшканьняў. Праверка з загаду міністра накіравана”.
Паводле кіраўніцтва ЭГУ, Анатоль Міхайлаў, які цяпер знаходзіцца на стажыроўцы за межамі краіны, папрасіў выкладчыцкі калектыў выказаць сваё стаўленьне да гэтай сытуацыі, і па-ранейшаму атрымаў падтрымку. Вось што паведаміла дэкан факультэту права Ала Сакалова.
(Сакалова: ) “Мы настроены трымацца тае лініі, якую абралі ад 21 студзеня, калі да нашага рэктара быў выстаўлены першы ультыматум. Але ў нас ня так шмат рэсурсаў, каб адстойваць сваю пазыцыю. І раз нам выстаўлена патрабаваньне вызваліць будынак, мы пасьпешліва шукаем новае памяшканьне, каб разьмясьціць тэхніку, бібліятэку. Мы й хацелі б гэта зрабіць, але вельмі многія адмаўляюць – у гэтым ёсьць праблема. Але мы так лічым, што праўда – на нашым баку.
Сёньня Эўрапейскі гуманітарны ўнівэрсытэт праводзіць баль для выпускнікоў 2004 году. Лёс шасьці соцень іншых студэнтаў, а таксама абітурыентаў, якія здаюць уступныя іспыты, застаецца няпэўным.
Нагадаем: упершыню міністар адукацыі Аляксандар Радзькоў запатрабаваў ад акадэміка Анатоля Міхайлава – заснавальніка Эўрапейскага гуманітарнага ўнівэрсытэту – вызваліць пасаду рэктара на пачатку студзеня. Калектыў унівэрсытэту тады заявіў, што гвалтоўная адстаўка спадара Міхайлава паставіць пад пытаньне само існаваньне ВНУ й нэгатыўна паўплывае на імідж Беларусі ў сьвеце. На падтрымку Анатоля Міхайлава таксама выступілі амбасадары шэрагу эўрапейскіх краін у Беларусі.
Гл. таксама ЭГУ высяляюць, нямецкія прафэсары ўжо пакуюць рэчы
(Дунаеў: ) “Нам паступіў ліст з галоўнага гаспадарчага ўпраўленьня пра высяленьне нас з навучальнага корпусу на абсалютна незаконнай падставе. Потым зьявілася камісія Мінадукацыі ў справе выкананьня ліцэнзійных патрабаваньняў. І ад сёньня ізноў працуе чарговая падатковая камісія – мне ўжо цяжка палічыць іх”.
Акрамя таго, ня вырашаным застаецца пытаньне ў справе пераатэстацыі ўзроўню навучальнага працэсу. Спадар Дунаеў перакананы, што ўсе гэтыя захады дзяржаўных органаў скіраваны на закрыцьцё ВНУ. У Міністэрстве адукацыі ад камэнтароў ухіляюцца, але кіраўнік управы вышэйшай адукацыі Юры Міксюк сказаў наступнае.
(Міксюк: ) “У агульных рысах ведаю сытуацыю: нас праінфармавалі, што, аказваецца, у іх няма плошчаў – патрэбнай колькасьці. Таму накіравана праверка на адпаведнасьць ліцэнзійным патрабаваньням – у тым ліку, і па колькасьці памяшканьняў. Праверка з загаду міністра накіравана”.
Паводле кіраўніцтва ЭГУ, Анатоль Міхайлаў, які цяпер знаходзіцца на стажыроўцы за межамі краіны, папрасіў выкладчыцкі калектыў выказаць сваё стаўленьне да гэтай сытуацыі, і па-ранейшаму атрымаў падтрымку. Вось што паведаміла дэкан факультэту права Ала Сакалова.
(Сакалова: ) “Мы настроены трымацца тае лініі, якую абралі ад 21 студзеня, калі да нашага рэктара быў выстаўлены першы ультыматум. Але ў нас ня так шмат рэсурсаў, каб адстойваць сваю пазыцыю. І раз нам выстаўлена патрабаваньне вызваліць будынак, мы пасьпешліва шукаем новае памяшканьне, каб разьмясьціць тэхніку, бібліятэку. Мы й хацелі б гэта зрабіць, але вельмі многія адмаўляюць – у гэтым ёсьць праблема. Але мы так лічым, што праўда – на нашым баку.
Сёньня Эўрапейскі гуманітарны ўнівэрсытэт праводзіць баль для выпускнікоў 2004 году. Лёс шасьці соцень іншых студэнтаў, а таксама абітурыентаў, якія здаюць уступныя іспыты, застаецца няпэўным.
Нагадаем: упершыню міністар адукацыі Аляксандар Радзькоў запатрабаваў ад акадэміка Анатоля Міхайлава – заснавальніка Эўрапейскага гуманітарнага ўнівэрсытэту – вызваліць пасаду рэктара на пачатку студзеня. Калектыў унівэрсытэту тады заявіў, што гвалтоўная адстаўка спадара Міхайлава паставіць пад пытаньне само існаваньне ВНУ й нэгатыўна паўплывае на імідж Беларусі ў сьвеце. На падтрымку Анатоля Міхайлава таксама выступілі амбасадары шэрагу эўрапейскіх краін у Беларусі.
Гл. таксама ЭГУ высяляюць, нямецкія прафэсары ўжо пакуюць рэчы
