Сярод тых, з кім, паводле ананімных афіцэраў спэцслужбы, хоча разабрацца ўлада, – генэрал Валер Паўлаў. Паўлаў, колішні паплечнік былога прэм’ера Вячаслава Кебіча, шмат гадоў жыве й працуе ў Расеі й у актыўным палітычным жыцьці Беларусі ня ўдзельнічае. Аднак жа, як гавораць пра яго прадстаўнікі дэмакратычных колаў, генэрал здолеў стаць аўтарытэтнай фігурай для апанэнтаў беларускай улады ў Маскве, што выклікае вялікае незадавальненьне цяперашняга рэжыму. І ананімны ліст з папярэджаньнем пра магчымыя расправы Валер Паўлаў разглядае як досыць сур’ёзную й рэальную небясьпеку.
(Паўлаў: ) “З улікам таго, што ў свой час Лябедзьку й Фралова папярэдзілі пра магчымы напад на дэпутата, і ўсё ж Фралова потым зьбілі ў пад’езьдзе, я да такой інфармацыі стаўлюся зь вялікім даверам. І я ведаю, што цэлая група людзей існуе й працуе ў гэтым кірунку – нэўтралізацыі лідэраў апазыцыі. З іншага боку, нармальных хлопцаў хапае й у спэцслужбах, і яны ўнутры сыстэмы супрацьстаяць самаўпраўству”.
Аўтары лісту паведамляюць, што гэтым разам на ролю эскадронаў сьмерці прызначаны спэцпадразьдзяленьні пры Генэральнай пракуратуры Беларусі й асобныя афіцэры службы аховы Лукашэнкі. Аднак, у памянёных ведамствах такую інфармацыю аспрэчваюць. Гаворыць прадстаўніца Генпракуратуры Антаніна Літвінчук:
(Літвінчук: ) “Насамрэч я пра існаваньне такой службы ня ведаю. Тым больш, як можна ўсур’ёз разглядаць ананімны ліст? Увогуле на падобны ліст, мне здаецца, зусім ня трэба зьвяртаць увагі: калі б у кагосьці былі рэальныя зьвесткі, людзі падпісаліся б”.
У ананімным лісьце гаворыцца, што існуе нават сьпіс магчымых ахвяр спэцслужбаў. Апроч Валер’я Паўлава, Анатоля Лябедзькі й Валер’я Фралова, ў ім таксама пазначаны Сяргей Антончык. Усіх разам – 7 чалавек, якія мусяць быць фізычна зьнішчаны. А 21 ліпеня, у часе заплянаванай масавай акцыі апазыцыі, супраць іх рыхтуецца спэцапэрацыя. Кіраўнік АГП Анатоль Лябедзька лічыць, што да такога лісту можна ставіцца па-рознаму, але пакуль застаецца надзённым пытаньне з ужо зьніклымі апанэнтамі ўлады, цалкам ігнараваць падобныя папярэджаньні – неабачліва.
(Лябедзька:) “Спадзяюся, што ва ўладных структур хопіць розуму (хоць гэта вялікі дэфіцыт на сёньняшні дзень) устрымацца ад сілавых дзеяньняў супраць каго б ні было: ці гэтых сямі чалавек са сьпісу, ці іншых грамадзян, якія ня хочуць глядзець на сьвет вачыма Лукашэнкі. Хоць, натуральна, ёсьць і прыклады іншыя – сытуацыя, якая была з Ганчаром, з Захаранкам, Карпенкам. Агульнымі намаганьнямі мы спынілі гэты канвэер сьмерці – чатыры гады ў нас нікога не скрадаюць, не забіваюць. Між тым, я разумею, што людзі, якія цяпер знаходзяцца ля ўлады, ня грэбуюць ніякімі мэтадамі, каб утрымацца на пасадах. І не выключаю, што на нейкія сілавыя дзеяньні – няхай не асабіста супраць мяне – улада пайсьці можа”.
(Карэспандэнт: ) “А само існаваньне такіх ананімных асоб, што сымпатызуюць дэмакратычным сілам, рэальнае?”
(Лябедзька: ) “У КГБ апошнім часам спрабуюць узьдзейнічаць на пэўныя колы афіцэраў, якія не хацелі б займацца незаконнай дзейнасьцю. Выбарачна ідзе “зачыстка”. Там ня ўсё так адназначна, і на адзін капыл я ўсіх супрацоўнікаў КГБ не прымаў бы”.
(Паўлаў: ) “З улікам таго, што ў свой час Лябедзьку й Фралова папярэдзілі пра магчымы напад на дэпутата, і ўсё ж Фралова потым зьбілі ў пад’езьдзе, я да такой інфармацыі стаўлюся зь вялікім даверам. І я ведаю, што цэлая група людзей існуе й працуе ў гэтым кірунку – нэўтралізацыі лідэраў апазыцыі. З іншага боку, нармальных хлопцаў хапае й у спэцслужбах, і яны ўнутры сыстэмы супрацьстаяць самаўпраўству”.
Аўтары лісту паведамляюць, што гэтым разам на ролю эскадронаў сьмерці прызначаны спэцпадразьдзяленьні пры Генэральнай пракуратуры Беларусі й асобныя афіцэры службы аховы Лукашэнкі. Аднак, у памянёных ведамствах такую інфармацыю аспрэчваюць. Гаворыць прадстаўніца Генпракуратуры Антаніна Літвінчук:
(Літвінчук: ) “Насамрэч я пра існаваньне такой службы ня ведаю. Тым больш, як можна ўсур’ёз разглядаць ананімны ліст? Увогуле на падобны ліст, мне здаецца, зусім ня трэба зьвяртаць увагі: калі б у кагосьці былі рэальныя зьвесткі, людзі падпісаліся б”.
У ананімным лісьце гаворыцца, што існуе нават сьпіс магчымых ахвяр спэцслужбаў. Апроч Валер’я Паўлава, Анатоля Лябедзькі й Валер’я Фралова, ў ім таксама пазначаны Сяргей Антончык. Усіх разам – 7 чалавек, якія мусяць быць фізычна зьнішчаны. А 21 ліпеня, у часе заплянаванай масавай акцыі апазыцыі, супраць іх рыхтуецца спэцапэрацыя. Кіраўнік АГП Анатоль Лябедзька лічыць, што да такога лісту можна ставіцца па-рознаму, але пакуль застаецца надзённым пытаньне з ужо зьніклымі апанэнтамі ўлады, цалкам ігнараваць падобныя папярэджаньні – неабачліва.
(Лябедзька:) “Спадзяюся, што ва ўладных структур хопіць розуму (хоць гэта вялікі дэфіцыт на сёньняшні дзень) устрымацца ад сілавых дзеяньняў супраць каго б ні было: ці гэтых сямі чалавек са сьпісу, ці іншых грамадзян, якія ня хочуць глядзець на сьвет вачыма Лукашэнкі. Хоць, натуральна, ёсьць і прыклады іншыя – сытуацыя, якая была з Ганчаром, з Захаранкам, Карпенкам. Агульнымі намаганьнямі мы спынілі гэты канвэер сьмерці – чатыры гады ў нас нікога не скрадаюць, не забіваюць. Між тым, я разумею, што людзі, якія цяпер знаходзяцца ля ўлады, ня грэбуюць ніякімі мэтадамі, каб утрымацца на пасадах. І не выключаю, што на нейкія сілавыя дзеяньні – няхай не асабіста супраць мяне – улада пайсьці можа”.
(Карэспандэнт: ) “А само існаваньне такіх ананімных асоб, што сымпатызуюць дэмакратычным сілам, рэальнае?”
(Лябедзька: ) “У КГБ апошнім часам спрабуюць узьдзейнічаць на пэўныя колы афіцэраў, якія не хацелі б займацца незаконнай дзейнасьцю. Выбарачна ідзе “зачыстка”. Там ня ўсё так адназначна, і на адзін капыл я ўсіх супрацоўнікаў КГБ не прымаў бы”.