Лінкі ўнівэрсальнага доступу

Арганізацыя Эканамічнага супрацоўніцтва і разьвіцьця крытыкуе Расею у сувязі з сытуацыяй з “ЮКОС”


ПАРЫЖ. Арганізацыя Эканамічнага супрацоўніцтва і разьвіцьця сёньня абвінаваціла Расею ў “выбарачнай правапрымяняльнай дзейнасьці” у дачыненьні да нафтавай кампаніі “ЮКОС”. Арганізацыя заяўляе, што юрыдычныя абвінавачаньні, выстаўленыя “ЮКОСу”, маглі быць выстаўленыя супраць сотні расейскіх кампаній і мільёнаў грамадзянаў. Арганізацыя эканамічнага супрацоўніцтва і разьвіцьця лічыць, што Крэмль павінен рэфармаваць дзяржаўныя установы, уключна з судовымі і праваахоўнымі структурамі з тым, каб змагацца з адвольным выкарыстаньнем ўлады дзяржавай. Сёньня заканчваецца прызначаны тэрмін выплаты падатковай запазычанасьці кампаніі за 2000 год памерам ў 3 мільярды 400 мільёнаў даляраў. Былы кіраўнік канцэрну “ЮКОС” Міхаіл Хадаркоўскі гатовы саступіць свой пакет акцый кампаніі наўзамен вырашэньня сытуацыі вакол падатковага доўгу, паведаміла сёньня брытанская газэта "Файнэншл таймс”.
XS
SM
MD
LG