БАГДАД. Прэм''ер-міністар Іраку Іяд Аляўі заклікаў усе ірацкія ўзброеныя групоўкі скласьці зброю. Ён патлумачыў, што гэта тычыцца й “войска Магдзі” – узброеных прыхільнікаў шыіцкага клірыка Муктады Ас-Садра. Сілы Ас-Садра зь вясны гэтага году вядуць баі з амэрыканскімі войскамі на поўдні і ў цэнтры Іраку. Аляўі патлумачыў, што Ас-Садр зможа ўдзельнічаць у палітыцы, калі раззброіць сваіх прыхільнікаў.