Для Эўрапейскіх палітыкаў Беларусь робіцца ў пэўнай ступені “ўзорнай краінай”. Сёньня камісар Эўразьвязу Крыс Патэн сустрэўся з кандыдатам на прэзыдэнта Сэрбіі Барысам Тадзічам. 27 чэрвеня ў Сэрбіі адбудзецца другі тур выбараў, на якіх Тадзіч будзе змагацца за пасаду кіраўніка дзяржавы з кандыдатам ўльтранацыяналістычнай радыкальнай партыі Таміславам Нікалічам. Гаворачы пра цяперашнюю палітычную сытуацыю ў Сэрбіі, Крыс Патэн сказаў, што цяпер сэрбы знаходзяцца перад ясным выбарам “паміж далучэньнем да аб’яднанай Эўропы і Беларусьсю”.