ВАШЫНГТОН. Прэзыдэнт ЗША Джордж Буш не разьлічвае, што НАТО дашле новыя войскі ў Ірак. Прамаўляючы на прэсавай канфэрэнцыі пасьля саміту “вялікай васьмёркі” ў штаце Джорджыя, Буш адзначыў, што НАТО можа пашырыць навучаньне іракскіх узброеных сілаў. Прэзыдэнт адзначыў, што пасьля перадачы ўлады 30 чэрвеня іракцы будуць самі несьці адказнасьць за бясьпеку ў краіне, аднак войскі кааліцыі застануцца ў Іраку, каб дапамагчы ім у гэтым.