У Беларусі, паводле зьвестак Міністэрства культуры, цяпер налічваецца 27 тэатраў. Калі падзяліць на ўсіх 33 мільярды рублёў, якія выдаткоўваюць сёлета з рэспубліканскага і мясцовых бюджэтаў, то сумы атрымаюцца зусім не грандыёзныя. Я запыталася ў начальніка ўпраўленьня капітальнага будаўніцтва Міністэрства культуры Віктара Рамашэўскага, наколькі гэтых грошай хапае, каб задаволіць патрэбы ўсіх тэатраў у рамонце ды рэканструкцыі, але прадстаўнік міністэрства адмовіўся камэнтаваць гэтую лічбу.
Дырэктар Рускага тэатра імя Горкага Эдуард Герасімовіч кажа, што сума гэтая зусім нямалая. Нядаўна ягоны тэатар таксама перажыў рамонт, у які ўклалі 800 мільёнаў рублёў, прычым зрабіць на гэтыя грошы ўдалося даволі шмат.
(Герасімовіч: ) “Мы ўсё літаральна ўнутры зрабілі, рамонт інжынэрных камунікацыяў, паставілі ахоўную пажарную сыгналізацыю. Усе вокны замянілі на “шклопакеты” ў тэатры. Зрабілі, каб было цёпла. Мы спадзяемся, што ў нас яшчэ нейкая колькасьць грошай будзе, бо ў нас яшчэ глядацкая частка мае патрэбу ў рамонце”.
Паводле спадара Герасімовіча, ня варта гэтак проста дзяліць 33 мільярды рублёў на 27 тэатраў. У кожнай установы свае патрэбы, і яны могуць вельмі адрозьнівацца. Напрыклад, для тэатра абласнога падпарадкаваньня мільярд рублёў будзе казачным падарункам, а вось опэрнаму тэатру гэтым грошай хопіць, каб крыху падлатаць дзіркі. Да таго ж, кожны год увага канцэнтруецца на розных установах: сёлета займаюцца рамонтам аднаго тэатра, на наступны год больш грошай накіроўваюць на іншы.
Наколькі вядома, грошы на рамонт Опэрнага сёлета выдаткуюць, але ж пра тое, дзе будуць працаваць опэрная і балетная трупы ў час, калі будынак зачыняць, яшчэ ня вырашылі.
Дырэктар творчага аб’яднаньня “Беларускі нацыянальны акадэмічны тэатар опэры і балета” Валянцін Бушны гаворыць, што пакуль тэатар робіць бягучы рамонт, на які выдаткавалі каля 800 мільёнаў рублёў.
(Бушны: ) “Капітальны рамонт мы ня робім, мы робім бягучы рамонт, бо ў нас будзе рэстаўрацыя на наступны год. На бягучы рамонт гэтых грошай, якія нам выдаткавалі, дастаткова. Дай бог, каб нам далі магчымасьць іх выкарыстаць. А тое, што будзе зьвязанае з рэстаўрацыяй, то на яе выдаткавалі 82 мільёны даляраў”.
Рэстаўрацыя гэта, як паведамлялася раней, пачнецца ў наступным годзе. Мяркуючы па суме, якую выдаткоўваюць на прывядзеньне ў парадак будынка опэры, гэта можа быць яшчэ адна будоўля веку, што распачнецца сьледам за ўзьвядзеньнем Нацыянальнай бібліятэкі. Але ж застаецца адкрытым пытаньне пра тое, куды падзенуцца калектывы, што працуюць у гэтым будынку цяпер. Зразумела, што досьвед філярмоніі, якая цяпер таксама зачыненая на рамонт, тут нельга ўжыць. У Менску няма болей ніводнай пляцоўкі, дзе можна паказваць опэрныя ці балетныя спэктаклі, а Палац рэспублікі, які пэўны час разглядалі як месца часовага побыту для опэры, для гэтага зусім не прыдатны.
Дырэктар Рускага тэатра імя Горкага Эдуард Герасімовіч кажа, што сума гэтая зусім нямалая. Нядаўна ягоны тэатар таксама перажыў рамонт, у які ўклалі 800 мільёнаў рублёў, прычым зрабіць на гэтыя грошы ўдалося даволі шмат.
(Герасімовіч: ) “Мы ўсё літаральна ўнутры зрабілі, рамонт інжынэрных камунікацыяў, паставілі ахоўную пажарную сыгналізацыю. Усе вокны замянілі на “шклопакеты” ў тэатры. Зрабілі, каб было цёпла. Мы спадзяемся, што ў нас яшчэ нейкая колькасьць грошай будзе, бо ў нас яшчэ глядацкая частка мае патрэбу ў рамонце”.
Паводле спадара Герасімовіча, ня варта гэтак проста дзяліць 33 мільярды рублёў на 27 тэатраў. У кожнай установы свае патрэбы, і яны могуць вельмі адрозьнівацца. Напрыклад, для тэатра абласнога падпарадкаваньня мільярд рублёў будзе казачным падарункам, а вось опэрнаму тэатру гэтым грошай хопіць, каб крыху падлатаць дзіркі. Да таго ж, кожны год увага канцэнтруецца на розных установах: сёлета займаюцца рамонтам аднаго тэатра, на наступны год больш грошай накіроўваюць на іншы.
Наколькі вядома, грошы на рамонт Опэрнага сёлета выдаткуюць, але ж пра тое, дзе будуць працаваць опэрная і балетная трупы ў час, калі будынак зачыняць, яшчэ ня вырашылі.
Дырэктар творчага аб’яднаньня “Беларускі нацыянальны акадэмічны тэатар опэры і балета” Валянцін Бушны гаворыць, што пакуль тэатар робіць бягучы рамонт, на які выдаткавалі каля 800 мільёнаў рублёў.
(Бушны: ) “Капітальны рамонт мы ня робім, мы робім бягучы рамонт, бо ў нас будзе рэстаўрацыя на наступны год. На бягучы рамонт гэтых грошай, якія нам выдаткавалі, дастаткова. Дай бог, каб нам далі магчымасьць іх выкарыстаць. А тое, што будзе зьвязанае з рэстаўрацыяй, то на яе выдаткавалі 82 мільёны даляраў”.
Рэстаўрацыя гэта, як паведамлялася раней, пачнецца ў наступным годзе. Мяркуючы па суме, якую выдаткоўваюць на прывядзеньне ў парадак будынка опэры, гэта можа быць яшчэ адна будоўля веку, што распачнецца сьледам за ўзьвядзеньнем Нацыянальнай бібліятэкі. Але ж застаецца адкрытым пытаньне пра тое, куды падзенуцца калектывы, што працуюць у гэтым будынку цяпер. Зразумела, што досьвед філярмоніі, якая цяпер таксама зачыненая на рамонт, тут нельга ўжыць. У Менску няма болей ніводнай пляцоўкі, дзе можна паказваць опэрныя ці балетныя спэктаклі, а Палац рэспублікі, які пэўны час разглядалі як месца часовага побыту для опэры, для гэтага зусім не прыдатны.
