ТБІЛІСІ. У Цхінвалі адмысловая камісія з прадстаўнікоў Грузіі, Паўднёвай Асэтыі, Расеі й паўночнай Асэтыі вырашае лёс грузінскіх блёкпастоў на тэрыторыі самаабвешчанай рэспублікі Паўднёвая Асэтыя. Днямі стасункі паміж Грузіяй і Паўднёвай Асэтыяй сур’ёзна абвастрыліся. У зону грузіна-асэтынскага канфлікту былі ўведзеныя грузінскія адзелы нібыта для барацьбы з кантрабандай. МЗС Расеі асудзіў дзеяньні Грузіі. У сераду прэм’ер-міністар Грузіі Зураб Жванія заявіў у адказ, што ніхто не перашкодзіць Грузіі аднаўляць парадак на сваёй тэрыторыі.