Лінкі ўнівэрсальнага доступу

Бабруйск: прадпрымальнікі не атрымалі адказаў


У Бабруйскім цэнтры занятасьці завяршылася сустрэча бабруйскіх прадпрымальнікаў з намесьнікам начальніка ўправы працы, занятасьці ды сацыяльнай абароны Бабруйскага гарвыканкаму Уладзімерам Красьнеўскім. Прадпрымальнікі патрабавалі ад улады гарантыяў свайго працаўладкаваньня пасьля таго, як набудзе моц 1 студзеня 2008 году прэзыдэнцкі ўказ нумар 760.

Прадпрымальніца Тацяна Лазарава паведаміла “Свабодзе”, што Ўладзімер Красьнеўскі запэўніў: усіх, хто страціць працу, уладкуюць на новыя месцы, але некаторым давядзецца перавучвацца.

“Пакуль мы будзем вучыцца, нам будуць плаціць дапамогу ў памеры 85 тысяч рублёў. Хіба можна пражыць на такія грошы? А калі нам дадуць працу, але мы туды не захочам ісьці, што далей?” — гэтак, паводле словаў Тацяны Лазаравай, некаторыя прадпрымальнікі рэагавалі на запэўніваньні Ўладзімера Красьнеўскага.

Паводле Тацяны Лазаравай, Уладзімер Красьнеўскі паабяцаў, што на працягу двух дзён прадпрымальнікі атрымаюць адказы на свае пытаньні.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG