Лінкі ўнівэрсальнага доступу

Міхась Шавыркін болей не рэдагуе “Роднае слова”


Радыё Свабода Свой сыход з пасады галоўнага рэдактара штомесячнага навуковага, метадычнага й культуралягічнага часопіса Міністэрства адукацыі "Роднае слова" Міхась Шавыркін тлумачыць імкненьнем захаваць рэдакцыю й выданьне.

У адпаведнасьці з загадам міністра адукацыі ён звольнены з пасады "па згодзе бакоў". Паводле словаў спадара Шавыркіна, ён працягне працу ў выданьні рэдактарам адзелу й чальцом рэдкалегіі, а выканаўцай абавязкаў галоўнага рэдактара "Роднага слова" прызначаная Ларыса Сагановіч.

На думку Міхася Шавыркіна, зьмена галоўнага рэдактара часопіса выклікана "заўсёдным незадавальненьнем ды ўмяшаннем" кіраўніцтва нядаўна створанага Саюзу пісьменьнікаў Беларусі: "Мабыць, чальцам гэтага саюзу вельмі хацелася друкавацца ў часопісе. Аднак "Роднае слова" публікуе толькі тых пісьменнікаў, у тым ліку Генадзя Бураўкіна, Уладзімера Някляева й Сяргея Законьнікава, чые творы ёсьць у школьнай праграме", – падкрэсліў былы рэдактар у інтэрвію БелаПАН.

Зь ягоных словаў, у часопісе паданыя матэрыялы па выяўленчым мастацтве, музыцы ды архітэктуры, гісторыі й культуры беларусаў і ўсіх нацменшасьцяў, якія жывуць у краіне. Усе публікацыі часопіса прызначаныя для правядзеньня ўрокаў беларускай мовы і літаратуры. За мінулыя 19 гадоў наклад выданьня вагаўся ад 3,8 да больш за 10 тысачаў асобнікаў.

Міхась Шавыркін узначальваў “Роднае слова” ад 1987 году.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG