Гарадзкая камісія не зарэгістравала кандыдатамі віцебскага праваабаронцу Паўла Левінава, моладзевага грамадзкага актывіста Яраслава Манцэвіча, мясцовага лідэра “Народнай грамады” Аляксея Гаўруцікава. Самая распаўсюджаная прычына адмоваў у рэгістрацыі — нібыта несапраўдныя подпісы. Прыкладам, з агульнай колькасьці подпісаў, сабраных за вылучэньне спадара Гаўруцікава, несапраўднымі прызналі 34%.
(Гаўруцікаў: ) “Несапраўдныя подпісы! Ня ведаю, як там атрымалася, паводле іхных разьлікаў! Я асабіста подпісы зьбіраў, разам з братам. А мне ў акце напісалі, што чалавек адмаўляецца ад свайго подпісу! Ці нам патрэбнае было махлярства? Валяць яны нас, усіх валяць!”
Ужо вядомыя некаторыя вынікі рэгістрацыі вылучэнцаў ад апазыцыі і ў Віцебскі аблсавет. Выбарчая камісія Пралетарскай акругі не зарэгістравала на кандыдата старшыню гарадзкой арганізацыі Партыі БНФ Уладзіслава Токарава, і падстава для адмовы тая самая — несапраўднасьць значнай часткі сабраных подпісаў.
(Токараў: ) “Калі я прыйшоў на паседжаньне гэтай камісіі, то мне сказалі, што падчас праверкі знайшліся несапраўдныя подпісы — маўляў, людзі ад сваіх подпісаў адмаўляюцца. Я папрасіў, каб мне паказалі акты праверкі подпісаў, бо я ўпэўнены, што людзі адмовіліся пад ціскам. Тады старшыня камісіі кажа: “Вы таксама зьбіраецеся на іх ціснуць! Мы можам вам даць хіба копію рашэньня камісіі ў справе вашай рэгістрацыі”.
Заўтра пра рэгістрацыю даведаюцца тыя, хто падаваў дакумэнты 4 сьнежня. Пераважная колькасьць не зарэгістраваных камісіямі апазыцыянэраў зьбіраецца абскарджваць мясцовыя рашэньні ў ЦВК.
(Гаўруцікаў: ) “Несапраўдныя подпісы! Ня ведаю, як там атрымалася, паводле іхных разьлікаў! Я асабіста подпісы зьбіраў, разам з братам. А мне ў акце напісалі, што чалавек адмаўляецца ад свайго подпісу! Ці нам патрэбнае было махлярства? Валяць яны нас, усіх валяць!”
Ужо вядомыя некаторыя вынікі рэгістрацыі вылучэнцаў ад апазыцыі і ў Віцебскі аблсавет. Выбарчая камісія Пралетарскай акругі не зарэгістравала на кандыдата старшыню гарадзкой арганізацыі Партыі БНФ Уладзіслава Токарава, і падстава для адмовы тая самая — несапраўднасьць значнай часткі сабраных подпісаў.
(Токараў: ) “Калі я прыйшоў на паседжаньне гэтай камісіі, то мне сказалі, што падчас праверкі знайшліся несапраўдныя подпісы — маўляў, людзі ад сваіх подпісаў адмаўляюцца. Я папрасіў, каб мне паказалі акты праверкі подпісаў, бо я ўпэўнены, што людзі адмовіліся пад ціскам. Тады старшыня камісіі кажа: “Вы таксама зьбіраецеся на іх ціснуць! Мы можам вам даць хіба копію рашэньня камісіі ў справе вашай рэгістрацыі”.
Заўтра пра рэгістрацыю даведаюцца тыя, хто падаваў дакумэнты 4 сьнежня. Пераважная колькасьць не зарэгістраваных камісіямі апазыцыянэраў зьбіраецца абскарджваць мясцовыя рашэньні ў ЦВК.
