Пры характарыстыцы галоўнага фінансавага дакумэнту найчасьцей ужывалі эпітэт “сацыяльны”. Менавіта сацыяльную скіраванасьць бюджэту адзначалі як самую адметную й прывабную рысу. Але і сацыяльнасьць, як сьведчыць дэпутат Пётр Калугін, можна разумець па-рознаму. Прыкладам, цяперашняму генэральнаму дырэктару вытворчага аб’яднаньня “Беларускалій” паступіла заданьне — уладкаваць у наступным годзе яшчэ паўтысячы чалавек, гаворыць спадар Калугін.
(Калугін: ) “А калі я быў кіраўніком гэтага прадпрыемства, у мяне была адна мара — скараціць на траціну колькасьць супрацоўнікаў. Прычым, рабілася б гэта абсалютна бязбольна. Але ж рабіць гэтага нельга — інакш адбудзецца сацыяльны выбух”.
Беларускі эканаміст Леанід Злотнікаў пагаджаецца з тым, што бюджэт на наступны год — сацыяльны. Але ён таксама лічыць, што сацыяльнасьць вызначаецца па-рознаму:
(Злотнікаў: ) “Бюджэт можна назваць перадусім сацыяльным тады, калі вытворчасьць валавога ўнутранага прадукту на душу насельніцтва расьце. І расьце значна. І тут неабавязкова атрымліваць нейкія трансфэры зь бюджэту. Людзі маглі б зарабляць. Але зарабляць робіцца ўсё цяжэй і цяжэй. Ня сяле, у малых гарадах гэтыя заробкі вельмі малыя — і ня ўсе імі забясьпечаныя.
Калі мы пабачым тыя пагрозы, што склаліся вакол нашай эканомікі, вакол нашых заробкаў, пэнсіяў, адлічэньняў у бюджэт, дык, з гэтага гледзішча, уся эканамічная палітыка, а ня толькі бюджэт, не спрыяюць уздыму жыцьця насельніцтва”.
У “Тлумачальнай запісцы наконт праекту бюджэту”, якую за подпісам міністра фінансаў Мікалая Корбута атрымаў кожны дэпутат, ёсьць цікавыя лічбы. Прыкладам, на ўтрыманьне праваахоўных органаў выдаткуюць 2 трыльёны рублёў, а на нацыянальную абарону — 1,1 трыльёна. Альбо яшчэ: выдаткі на культуру складаюць 124,5 мільярда, а на фінансаваньне дзяржаўных мэдыяў — 135 мільярдаў рублёў. Але ніхто зь сябраў Палаты пра гэта не казаў.
А эканаміст Леанід Злотнікаў разважае так:
(Злотнікаў: ) “Гэта адбітак інтарэсаў нашай дзяржавы. Гэта бюджэт, які адлюстроўвае інтарэсы кіраўніцтва беларускай краіны. Што тут яшчэ скажаш?”
Бюджэт на 2007 год складзены з дэфіцытам на 1 трыльён 410 мільярдаў рублёў. Згодна з разьлікамі, прыбытковую частку бюджэту ў наступным годзе запоўняць пераважна паступленьні ад падатку на даданую вартасьць (ПДВ). Гэта будзе 41% ад усёй прыбытковай часткі.
(Калугін: ) “А калі я быў кіраўніком гэтага прадпрыемства, у мяне была адна мара — скараціць на траціну колькасьць супрацоўнікаў. Прычым, рабілася б гэта абсалютна бязбольна. Але ж рабіць гэтага нельга — інакш адбудзецца сацыяльны выбух”.
Беларускі эканаміст Леанід Злотнікаў пагаджаецца з тым, што бюджэт на наступны год — сацыяльны. Але ён таксама лічыць, што сацыяльнасьць вызначаецца па-рознаму:
(Злотнікаў: ) “Бюджэт можна назваць перадусім сацыяльным тады, калі вытворчасьць валавога ўнутранага прадукту на душу насельніцтва расьце. І расьце значна. І тут неабавязкова атрымліваць нейкія трансфэры зь бюджэту. Людзі маглі б зарабляць. Але зарабляць робіцца ўсё цяжэй і цяжэй. Ня сяле, у малых гарадах гэтыя заробкі вельмі малыя — і ня ўсе імі забясьпечаныя.
Калі мы пабачым тыя пагрозы, што склаліся вакол нашай эканомікі, вакол нашых заробкаў, пэнсіяў, адлічэньняў у бюджэт, дык, з гэтага гледзішча, уся эканамічная палітыка, а ня толькі бюджэт, не спрыяюць уздыму жыцьця насельніцтва”.
У “Тлумачальнай запісцы наконт праекту бюджэту”, якую за подпісам міністра фінансаў Мікалая Корбута атрымаў кожны дэпутат, ёсьць цікавыя лічбы. Прыкладам, на ўтрыманьне праваахоўных органаў выдаткуюць 2 трыльёны рублёў, а на нацыянальную абарону — 1,1 трыльёна. Альбо яшчэ: выдаткі на культуру складаюць 124,5 мільярда, а на фінансаваньне дзяржаўных мэдыяў — 135 мільярдаў рублёў. Але ніхто зь сябраў Палаты пра гэта не казаў.
А эканаміст Леанід Злотнікаў разважае так:
(Злотнікаў: ) “Гэта адбітак інтарэсаў нашай дзяржавы. Гэта бюджэт, які адлюстроўвае інтарэсы кіраўніцтва беларускай краіны. Што тут яшчэ скажаш?”
Бюджэт на 2007 год складзены з дэфіцытам на 1 трыльён 410 мільярдаў рублёў. Згодна з разьлікамі, прыбытковую частку бюджэту ў наступным годзе запоўняць пераважна паступленьні ад падатку на даданую вартасьць (ПДВ). Гэта будзе 41% ад усёй прыбытковай часткі.
