Міжнародны тэатральны фэст Маскі адбываецца ў Познані ўжо 10-ты раз. Сёлета госьці фэстывалю пабачаць 9 спэктакляў у выкананьні тэатраў Польшчы, Вялікабрытаніі, Палястыны, і сумеснага праекту двух тэатраў з Украіны і Польшчы і беларускага тэатру “ЭкадомАрт”.
Арганізатары “Масак” кажуць, што адна з мэтаў фэстывалю – паказаць чым жыве сучасны перадусім польскі і эўрапейскі тэатр.
(Арганізатар: ) “Мы запрашаем на фэстываль перадусім значныя, цікавыя спэктаклі. Справа не ў тым, каб гэта была вялікая трупа з нейкага вялікага і знанага тэатру, але ў якасьці, пасланьні пастаноўкі”.
Фэстывальныя паказы адбываюцца на сцэнах трох познаньскіх тэатраў. І вось тое, што фэст адкрываецца менавіта спэктаклем з удзелам беларусаў гэта, як самі акторы кажуць, вялікі гонар.
“Гэта спэктакль аб страху перад выпраменьваньнем – гэтым тэрарыстам, якога нельга пабачыць. Пра людзей, чыё жыцьцё праходзіць пад знакам катастрофы 20-ці гадовай даўніны. Пра сілу прыроды і крохкага чалавека. Аб сьмяротнай прыгажосьці, спакоі гэтага месца!” — так пра спэктакль кажа ўкраінская рэжысэрка Сьвятлана Алешка.
Сёлетні фэст “Маскі” праходзіць пад лёзунгам “тэатр і палітыка”, таму спэктакль “Чарнобыль”, як кажуць арганізатары, тут вельмі дарэчы.
Аказалася, што частка актораў і аўтары езьдзілі ў чарнобыльскую зону, каб на ўласныя вочы пабачыць тамтэйшае жыцьцё.
Вось што сказаў нашаму радыё перад спэктаклем адзін са стваральнікаў спэктакля, беларус Зьміцер Чарткоў.
(Чарткоў: ) “Мы хочам расказаць пра людзей, якія там жывуць. Пра іхныя радасьці і страхі. Атрымаецца ці не, ня ведаю. Прынамсі паспрабуем”.
Тэатральная заля была поўная.
Пастаноўку – сумесь гульні актораў і дакумэнтальных здымкаў з чарнобыльскай зоны, гледачы віталі працяглымі аплядысмэнтамі.
Арганізатары “Масак” кажуць, што адна з мэтаў фэстывалю – паказаць чым жыве сучасны перадусім польскі і эўрапейскі тэатр.
(Арганізатар: ) “Мы запрашаем на фэстываль перадусім значныя, цікавыя спэктаклі. Справа не ў тым, каб гэта была вялікая трупа з нейкага вялікага і знанага тэатру, але ў якасьці, пасланьні пастаноўкі”.
Фэстывальныя паказы адбываюцца на сцэнах трох познаньскіх тэатраў. І вось тое, што фэст адкрываецца менавіта спэктаклем з удзелам беларусаў гэта, як самі акторы кажуць, вялікі гонар.
“Гэта спэктакль аб страху перад выпраменьваньнем – гэтым тэрарыстам, якога нельга пабачыць. Пра людзей, чыё жыцьцё праходзіць пад знакам катастрофы 20-ці гадовай даўніны. Пра сілу прыроды і крохкага чалавека. Аб сьмяротнай прыгажосьці, спакоі гэтага месца!” — так пра спэктакль кажа ўкраінская рэжысэрка Сьвятлана Алешка.
Сёлетні фэст “Маскі” праходзіць пад лёзунгам “тэатр і палітыка”, таму спэктакль “Чарнобыль”, як кажуць арганізатары, тут вельмі дарэчы.
Аказалася, што частка актораў і аўтары езьдзілі ў чарнобыльскую зону, каб на ўласныя вочы пабачыць тамтэйшае жыцьцё.
Вось што сказаў нашаму радыё перад спэктаклем адзін са стваральнікаў спэктакля, беларус Зьміцер Чарткоў.
(Чарткоў: ) “Мы хочам расказаць пра людзей, якія там жывуць. Пра іхныя радасьці і страхі. Атрымаецца ці не, ня ведаю. Прынамсі паспрабуем”.
Тэатральная заля была поўная.
Пастаноўку – сумесь гульні актораў і дакумэнтальных здымкаў з чарнобыльскай зоны, гледачы віталі працяглымі аплядысмэнтамі.
