Да ўгодкаў ягонае сьмерці сябры вырашылі ўсталяваць на магіле годны помнік і наладзілі ў Віцебску першую дабрачынную акцыю, на якой зьбіраюць ахвяраваньні землякоў, каб ушанаваць памяць Уладзімера Плешчанкі.
На прапанову Барыса Хамайды, аднаго зь сяброў спадара Плешчанкі, стварылі эскіз помніка — яго зрабіў сябра Сойму КХП БНФ, мастак Ян Таўпыга. Яшчэ адзін сябра гэтай партыі, Аляксандар Салаўян, узяўся забясьпечыць тэхнічны бок — паставіць помнік.
Спадар Хамайда сёньня выйшаў да Сіняга дому — дому №28 па вуліцы Леніна, са скрынкай для ахвяраваньняў і плякатам-абвесткай пра дабрачынны збор сродкаў.
(Хамайда: ) “Сёньня 2 лістапада, Дзяды, і я першы раз выйшаў зьбіраць ахвяраваньні на помнік Уладзімеру Плешчанку. Я лічу, што гэта цудоўная магчымасьць для тых, хто ведаў Валодзю, раскрыць свае найлепшыя пачуцьці й дапамагчы. У нас ужо ёсьць і ахвяраваньні ад замежных грамадзянаў, і было б вельмі цудоўна, каб у Віцебску, дзе яго шмат хто ведаў, людзі зрабілі б такую вось добрую справу!”
Усім, хто кідаў у скрынку грошы, спадар Хамайда прапаноўваў запісацца ў адмысловы сьпіс ахвярадаўцаў, але людзі звычайна адмаўляліся. Ахвяравалі грошы й тыя, хто ведаў Уладзімера Плешчанку асабіста, і не знаёмыя зь ім.
Намесьніца старшыні абласной арганізацыі Аб’яднанай грамадзянскай партыі Алена Залеская, ахвяруючы грошы, сказала:
(Залеская: ) “Гэты чалавек варты павагі. Як яму было цяжка! Яго тут і зьневажалі, і абражалі, а ён упарта стаяў. За Беларусь, за тое, каб Беларусь была беларускай, каб вярнулася беларуская мова. Ён так за гэта перажываў, таму й памёр так рана. Пра такіх трэба кнігі пісаць! Я лічу, што гэта герой!”
Сябры плянуюць зьбіраць ахвяраваньні на помнік Уладзімеру Плешчанку ўвесь лістапад.
На прапанову Барыса Хамайды, аднаго зь сяброў спадара Плешчанкі, стварылі эскіз помніка — яго зрабіў сябра Сойму КХП БНФ, мастак Ян Таўпыга. Яшчэ адзін сябра гэтай партыі, Аляксандар Салаўян, узяўся забясьпечыць тэхнічны бок — паставіць помнік.
Спадар Хамайда сёньня выйшаў да Сіняга дому — дому №28 па вуліцы Леніна, са скрынкай для ахвяраваньняў і плякатам-абвесткай пра дабрачынны збор сродкаў.
(Хамайда: ) “Сёньня 2 лістапада, Дзяды, і я першы раз выйшаў зьбіраць ахвяраваньні на помнік Уладзімеру Плешчанку. Я лічу, што гэта цудоўная магчымасьць для тых, хто ведаў Валодзю, раскрыць свае найлепшыя пачуцьці й дапамагчы. У нас ужо ёсьць і ахвяраваньні ад замежных грамадзянаў, і было б вельмі цудоўна, каб у Віцебску, дзе яго шмат хто ведаў, людзі зрабілі б такую вось добрую справу!”
Усім, хто кідаў у скрынку грошы, спадар Хамайда прапаноўваў запісацца ў адмысловы сьпіс ахвярадаўцаў, але людзі звычайна адмаўляліся. Ахвяравалі грошы й тыя, хто ведаў Уладзімера Плешчанку асабіста, і не знаёмыя зь ім.
Намесьніца старшыні абласной арганізацыі Аб’яднанай грамадзянскай партыі Алена Залеская, ахвяруючы грошы, сказала:
(Залеская: ) “Гэты чалавек варты павагі. Як яму было цяжка! Яго тут і зьневажалі, і абражалі, а ён упарта стаяў. За Беларусь, за тое, каб Беларусь была беларускай, каб вярнулася беларуская мова. Ён так за гэта перажываў, таму й памёр так рана. Пра такіх трэба кнігі пісаць! Я лічу, што гэта герой!”
Сябры плянуюць зьбіраць ахвяраваньні на помнік Уладзімеру Плешчанку ўвесь лістапад.