Галіна Барэйка, сябра Партыі камуністаў беларускай, трапіла ў склад Віцебскай абласной акруговай камісіі. Сакратар ЦК Аляксандар Пахлопка гаворыць пра яе так:
(Пахлопка: ) “Цяпер яна пэнсіянэрка. Раней працавала намесьнікам дырэктара ў каледжы. Але яе адтуль “папрасілі” за сяброўства ў нашай партыі. Пра гэта можна казаць дакладна. Віцебскі абкам падаваў яе кандыдатуру, і яе ўключылі ў камісію”.
На пытаньне, як ёй удалося трапіць у камісію, Галіна Барэйка адказвае:
(Барэйка: ) “Я й сама ня ведаю”.
(Карэспандэнт: ) “Ці праўду кажуць, што вас уключылі ў камісію менавіта ў той акрузе, дзе вы зьбіраліся вылучацца кандыдатам у дэпутаты?”
(Барэйка: ) “Так, я хацела туды кандыдатам. Але цяпер гэтага ўжо не атрымаецца — закон не дазваляе. Як жа я гэта буду — і ў камісіі там, і вылучацца там?”
Мае аднаго свайго прадстаўніка ў акруговых камісіях і Аб’яднаная грамадзянская партыя — ён абіраўся праз збор подпісаў. Аднак прозьвішча яго намесьнік старшыні партыі Анатоль Паўлаў не называе:
(Паўлаў: ) “Ён зьяўляецца сябрам нашай партыі. Але ў камісію балятаваўся, так бы мовіць, ад сябе. Прасіў яго “не сьвяціць”. Мы так і робім, бо ўжо зашмат каго засьвяцілі, шчыра кажучы”.
Наступныя этапы выбарчай кампаніі для нашага радыё назваў сакратар Цэнтравыбаркаму Мікалай Лазавік:
(Лазавік: ) “Пасьля фармаваньня акруговых камісіяў яны перадусім павінны сфармаваць выбарчыя ўчасткі на тэрыторыі сваіх акругаў. Пасьля будуць стварацца ўчастковыя камісіі, якія непасрэдна зоймуцца падрыхтоўкай да галасаваньня. Паралельна будзе ісьці вылучэньне кандыдатаў у дэпутаты”.
Вылучэньне кандыдатаў у дэпутаты пачынаецца 5 лістапада.
* * * На мінулых мясцовых выбарах у 2004 годзе ў акруговых камісіях былі 24 прадстаўнікі палітычнай апазыцыі.
(Пахлопка: ) “Цяпер яна пэнсіянэрка. Раней працавала намесьнікам дырэктара ў каледжы. Але яе адтуль “папрасілі” за сяброўства ў нашай партыі. Пра гэта можна казаць дакладна. Віцебскі абкам падаваў яе кандыдатуру, і яе ўключылі ў камісію”.
На пытаньне, як ёй удалося трапіць у камісію, Галіна Барэйка адказвае:
(Барэйка: ) “Я й сама ня ведаю”.
(Карэспандэнт: ) “Ці праўду кажуць, што вас уключылі ў камісію менавіта ў той акрузе, дзе вы зьбіраліся вылучацца кандыдатам у дэпутаты?”
(Барэйка: ) “Так, я хацела туды кандыдатам. Але цяпер гэтага ўжо не атрымаецца — закон не дазваляе. Як жа я гэта буду — і ў камісіі там, і вылучацца там?”
Мае аднаго свайго прадстаўніка ў акруговых камісіях і Аб’яднаная грамадзянская партыя — ён абіраўся праз збор подпісаў. Аднак прозьвішча яго намесьнік старшыні партыі Анатоль Паўлаў не называе:
(Паўлаў: ) “Ён зьяўляецца сябрам нашай партыі. Але ў камісію балятаваўся, так бы мовіць, ад сябе. Прасіў яго “не сьвяціць”. Мы так і робім, бо ўжо зашмат каго засьвяцілі, шчыра кажучы”.
Наступныя этапы выбарчай кампаніі для нашага радыё назваў сакратар Цэнтравыбаркаму Мікалай Лазавік:
(Лазавік: ) “Пасьля фармаваньня акруговых камісіяў яны перадусім павінны сфармаваць выбарчыя ўчасткі на тэрыторыі сваіх акругаў. Пасьля будуць стварацца ўчастковыя камісіі, якія непасрэдна зоймуцца падрыхтоўкай да галасаваньня. Паралельна будзе ісьці вылучэньне кандыдатаў у дэпутаты”.
Вылучэньне кандыдатаў у дэпутаты пачынаецца 5 лістапада.
* * * На мінулых мясцовых выбарах у 2004 годзе ў акруговых камісіях былі 24 прадстаўнікі палітычнай апазыцыі.
