Лінкі ўнівэрсальнага доступу

Сёньня ў Варшаве адбылася акцыя ў падтрымку Аляксандра Казуліна (фота)


Аляксей Дзікавіцкі, Варшава Каля дзясятка беларусаў, які працуюць у Польшчы, прыйшлі да будынку польскага парлямэнту зь бел-чырвона-белымі сьцягамі, партрэтамі Аляксандра Казуліна і плякатамі з надпісамі “Свабоду палітвязьням!”, “Дыктатар Лукашэнка – у турму!”

Удзельнікі пікету пакінулі ў канцылярыі Сэйму зварот, у якім просяць дэпутатаў “як мага хутчэй зьвярнуць увагу на галадоўку і выкарыстаць усе магчымыя мэтады для ўзьдзеяньня на ўлады Беларусі дзеля вызваленьня палітычных вязьняў”.

(Крыштон: ) “Відаць, што ў Эўрапейскім зьвязе сочаць за тым, што адбываецца ў Беларусі. Мы лічым, што такія пікеты, акцыі, захады міжнароднай супольнасьці будуць мець уплыў на працэсы дэмакратызацыі Беларусі", – кажа адзін з арганізатараў акцыі Ігар Крыштон.

Ад гмаху парлямэнту прысутныя прайшлі да будынку Міністэрства замежных справаў Польшчы, куды таксама быў перададзены аналягічны зварот.









Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG