Лінкі ўнівэрсальнага доступу

У Маскве будзе вырашацца лёс беларускага цукру


Міхал Стэльмак, Менск Сёньня канчаецца тэрмін расьсьледаваньня, якое праводзіць Міністэрства эканамічнага разьвіцьця і гандлю Расеі адносна паставак беларускага цукру.

Масква ініцыявала гэтае расьсьледаваньне, каб устанавіць сапраўдныя аб’ёмы і паходжаньне цукру, які ўвозіцца зь Беларусі. Расейцы падазраюць беларускі бок у парушэньні партнэрскіх дамоўленасьцяў, якія прадугледжваюць свабодную рэалізацыю ў Расеі толькі бураковага цукру.

У Маскве лічаць, што замест яго Беларусь пастаўляе сырцовы цукар, імпартаваны з трэціх краінаў. Ад гэтага цярпяць расейскія таваравытворцы, чыя прадукцыя робіцца неканкурэнтаздольнай на мясцовых рынках. Яны заклікаюць Міністэрства эканамічнага разьвіцьця і гандлю Расеі абараніць іх эканамічныя інтарэсы.

У выпадку, калі гэтыя падазрэньні спраўдзяцца, Масква плянуе ўвесьці мыта на пастаўкі беларускага цукру, супраць чаго актыўна выступае афіцыйны Менск.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG