На форумах парталу Tut.by абмяркоўваюць намер ўраду ажыцьцявіць праграму вяртаньня ў Беларусь колішніх суайчыньнікаў. Для былых суайчыньнікаў прадугледжаныя ільготы ў падатках і працаўладкаваньні. Вось некаторыя водгукі:
“Жах нейкі, выяжджаюць тысячы 25-30-гадовых грамадзянаў, а прыяжджаюць сотні расейскіх пэнсіянэраў, якія настальгуюць ды адзінкі зь Ізраілю”.
“Сьмешна… Можа і наш бухгальтар перадумае ды вернецца з Швэйцарыі ў родную Беларусь, а ня будзе праз год грамадзянства атрымліваць”.
“Хочацца адказаць фразай рэжысэра Станіслаўскага – “Ня веру!”.
На сайце “Грамадзянскі форум” зьмешчаны артыкул пра дэмаграфічную сытуацыю ў Беларусі. Паводле сайту, у самым крытычным становішчы апынулася Гомельская вобласьць: дзеці да 15 гадоў складаюць менш за 20 працэнтаў, палова жыхароў – людзі да 49 гадоў, старэйшыя за 50 складаюць 30 працэнтаў. Сайт “Грамадзянскі форум” камэнтуе: “Прычыны сытуацыі простыя: нізкі ўзровень нараджальнасьці і высокі ўзровень сьмяротнасьці”. Таксама на сайце “Грамадзянскі форум” можна скарыстацца з новай паслугі – пошуку па незалежных сайтах Беларусі.
Блогер v_mariamna рэфлексуе з нагоды перамогі нацыянальнай зборнай ў футбольным матчы “Беларусь-Славенія”: “На прыпынку ўбачыла тралейбус, што ад’яжджаў, ззаду якога на ўсё шкло нейкія хлопцы й дзяўчаты разгарнулі чырвона-зялёны сьцяг. Першая думка: “БРСМаўцы”. Толькі пачуўшы гукі салюту з стадыёна “Дынама”, я зразумела, што гэта футбольныя фанаты. … І раптоўна закралася думка: бо мы такія ж фанаты, клюб па інтарэсах, які пасьля чарговай акцыі забіваецца ў тралейбус і на кожным прыпынку пужае людзей, якім пляваць на Беларусь і Адраджэньне. Хіба нас больш, чым футбольных фанатаў? Хіба мы сапраўды змагаемся, каб нас было больш?.. Чаго мы ўвогуле чакаем???…”
Зьявіўся сайт у афіцыйнага спадарожнікавага тэлеканалу “Беларусь-ТВ”. На старонцы можна паглядзець анонсы і назвы матэрыялаў, якія ідуць у дадзены момант. Паведамляецца, што ў мінулым месяцы было зафіксавана больш за 90 тысяч далучэньняў да сайту з 140 краінаў. У разьдзеле пра гісторыю Беларусі на сайце каротка паведамляюцца факты зь ІХ-ХІІ ст.ст.
Блогер Ausfald піша ў сваім дзёньніку пра пляны па стварэньні беларускамоўнай вэрсіі апэрацыйнай сыстэмы Windows XP: “Прадстаўнік кампаніі Microsoft у Беларусі Андрэй Баюшчанка заявіў, што да сакавіка 2007 года зьявіцца беларускамоўная вэрсія Windows XP. … Найбуйнейшая ў сьвеце ІТ-карпарацыя спадзяецца, што дзякуючы прызначэньню рэгіянальнага прадстаўніка ў справах разьвіцьця партнэрскай сеткі на працягу кароткага прамежку часу можна чакаць на падваеньня колькасьці сэртыфікаваных партнэраў ды рост продажу”. Наведнік konzist пытаецца: “Няўжо дачакаліся нечага вартаснага? А, цікава, калі такая цаца будзе каштаваць? Ды й хто спрычыніўся да беларускамоўнага перакладу?”
Дасылайце свае ідэі ды лінкі для “Начной аБЛОГі”, а таксама любыя іншыя прапановы, тэксты і гукі на электронны адрас NSvaboda@tut.by. Таксама тэлефануйце на менскі аўтаадказьнік 290-39-52 і дасылайце СМС-паведамленьні на нумар 391-22-24. З вамі быў Севярын Квяткоўскі. Да сустрэчы ў оф-лайне.
“Жах нейкі, выяжджаюць тысячы 25-30-гадовых грамадзянаў, а прыяжджаюць сотні расейскіх пэнсіянэраў, якія настальгуюць ды адзінкі зь Ізраілю”.
“Сьмешна… Можа і наш бухгальтар перадумае ды вернецца з Швэйцарыі ў родную Беларусь, а ня будзе праз год грамадзянства атрымліваць”.
“Хочацца адказаць фразай рэжысэра Станіслаўскага – “Ня веру!”.
На сайце “Грамадзянскі форум” зьмешчаны артыкул пра дэмаграфічную сытуацыю ў Беларусі. Паводле сайту, у самым крытычным становішчы апынулася Гомельская вобласьць: дзеці да 15 гадоў складаюць менш за 20 працэнтаў, палова жыхароў – людзі да 49 гадоў, старэйшыя за 50 складаюць 30 працэнтаў. Сайт “Грамадзянскі форум” камэнтуе: “Прычыны сытуацыі простыя: нізкі ўзровень нараджальнасьці і высокі ўзровень сьмяротнасьці”. Таксама на сайце “Грамадзянскі форум” можна скарыстацца з новай паслугі – пошуку па незалежных сайтах Беларусі.
Блогер v_mariamna рэфлексуе з нагоды перамогі нацыянальнай зборнай ў футбольным матчы “Беларусь-Славенія”: “На прыпынку ўбачыла тралейбус, што ад’яжджаў, ззаду якога на ўсё шкло нейкія хлопцы й дзяўчаты разгарнулі чырвона-зялёны сьцяг. Першая думка: “БРСМаўцы”. Толькі пачуўшы гукі салюту з стадыёна “Дынама”, я зразумела, што гэта футбольныя фанаты. … І раптоўна закралася думка: бо мы такія ж фанаты, клюб па інтарэсах, які пасьля чарговай акцыі забіваецца ў тралейбус і на кожным прыпынку пужае людзей, якім пляваць на Беларусь і Адраджэньне. Хіба нас больш, чым футбольных фанатаў? Хіба мы сапраўды змагаемся, каб нас было больш?.. Чаго мы ўвогуле чакаем???…”
Зьявіўся сайт у афіцыйнага спадарожнікавага тэлеканалу “Беларусь-ТВ”. На старонцы можна паглядзець анонсы і назвы матэрыялаў, якія ідуць у дадзены момант. Паведамляецца, што ў мінулым месяцы было зафіксавана больш за 90 тысяч далучэньняў да сайту з 140 краінаў. У разьдзеле пра гісторыю Беларусі на сайце каротка паведамляюцца факты зь ІХ-ХІІ ст.ст.
Блогер Ausfald піша ў сваім дзёньніку пра пляны па стварэньні беларускамоўнай вэрсіі апэрацыйнай сыстэмы Windows XP: “Прадстаўнік кампаніі Microsoft у Беларусі Андрэй Баюшчанка заявіў, што да сакавіка 2007 года зьявіцца беларускамоўная вэрсія Windows XP. … Найбуйнейшая ў сьвеце ІТ-карпарацыя спадзяецца, што дзякуючы прызначэньню рэгіянальнага прадстаўніка ў справах разьвіцьця партнэрскай сеткі на працягу кароткага прамежку часу можна чакаць на падваеньня колькасьці сэртыфікаваных партнэраў ды рост продажу”. Наведнік konzist пытаецца: “Няўжо дачакаліся нечага вартаснага? А, цікава, калі такая цаца будзе каштаваць? Ды й хто спрычыніўся да беларускамоўнага перакладу?”
Дасылайце свае ідэі ды лінкі для “Начной аБЛОГі”, а таксама любыя іншыя прапановы, тэксты і гукі на электронны адрас NSvaboda@tut.by. Таксама тэлефануйце на менскі аўтаадказьнік 290-39-52 і дасылайце СМС-паведамленьні на нумар 391-22-24. З вамі быў Севярын Квяткоўскі. Да сустрэчы ў оф-лайне.