Лінкі ўнівэрсальнага доступу

Чаму праект закону аб рэкляме напалохаў тэлеканалы АНТ і СТВ?


Радыё Свабода Агляд недзяржаўных СМІ за 9 кастрычніка

У сьвежым нумары газэты “Белорусы и рынок” зьмешчанае журналісцкае дасьледаваньне прычынаў арышту лідэраў незарэгістраванай арганізацыі “Малады фронт” Паўла Красоўскага і Зьмітра Дашкевіча.

Сёньня чытачы “Народнай волі” даведаюцца чаму акадэмік Аляксандр Вайтовіч заяўляе, што беларуская апазыцыя не імкнецца актывізаваць працу з насельніцтвам.

На пытаньні “Народнай волі” адказвае і старшыня Нацыянальнага камітэта дэмакратычных сіл Анатоль Лябедзька. Ён даводзіць, што на сёньня месца лідэра апазыцыі ў Беларусі ўсё яшчэ свабоднае.

“Народная воля” таксама друкуе рэпартаж з калёніі ля Віцебска, дзе ўтрымліваюцца Сяргей Скрабец і Аляксандар Казулін.

“Белгазета” сёньня нагадвае, што нядаўна Аляксандар Лукашэнка заявіў быццам бы пабудаваць новую кватэру ў Менску можна пры кошце квадратнага мэтра ў 450 даляраў. «Белгазета» пярэчыць гэтаму. Аргумэнты – ў артыкуле “Каробка бяз сетак”.

Сёньня “Белгазета” камэнтуе заяву старшыні праўленьня закрытага акцыянэрнага таварыства “Другі нацыянальны канал” Рыгора Кісяля. Пры абмеркаваньні ў Палаце прадстаўнікоў праекту закона аб рэкляме ён заявіў, што тэлеканалам АНТ і СТВ нібыта пагражае закрыцьцё.

Тыднёвік “Витебский курьер» паведамляе пра распаўсюджваньне ў горадзе не бібліятэчнага кнігаабмену. Журналісты заўважылі, што ў кавярнях, парках ды на прыпынках людзі пакідаюць прачытаны твор, на вокладцы якога напісана: “Кніга не страчаная, а ўдзельнічае ў кнігаабмене”. Гэта цікавая гульня, як піша тыднёвік, запазычаная ад Захаду і мае назоў буккросінг.

“Витебский курьер» нагадвае і пра новыя клопаты ўладальнікаў маршрутных таксі: гарадзкая ўлада абавязвае іх набываць прыбор для рэгістрацыі аўтамабіля на базавых станцыях маршрута.Тэхнічная навінка каштуе 220 тысяч рублёў, удакладняе газэта.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG