У Беларусі досыць сьціплы попыт на мужчын-выхавацеляў. Спэцыялісты тлумачаць гэта так: заробкі не задавальняюць. Вось што гаворыць кіраўніца агенцтва ў падборы хатняга пэрсаналу “Анёл” Іна Шаравар.
(Шаравар: ) “Заказчыкі час ад часу выказваюць такія пажаданьні, але мы амаль што нікога ня можам прапанаваць. Няма гэтага рынку ў нас яшчэ, ня склаўся ён. Па-першае, сам па сабе невялікі попыт на мужчын-гувэрнэраў. І аплата ня вельмі высокая, каб мужчыны так ужо рваліся гэтую працу выконваць. І калі жанчына можа працаваць з-за любові да дзяцей, то мужчынам усё ж трэба карміць сем’і”.
(Карэспандэнт: ) “У якіх сфэрах увогуле могуць быць занятыя мужчыны?”.
(Шаравар: ) “У выхаваньні малодшых школьнікаў, дзетак старэйшага садкоўскага ўзросту. Для хлопцаў увогуле было б пажадана, каб зь імі займаліся мужчыны. Але цяпер больш распаўсюджаныя заяўкі на зусім малых дзяцей, гадавалага ўзросту. А там, вядома ж, патрэбныя здольнасьці і інтуіцыя жанчыны. Але час будзе ісьці, будуць прапановы і нешта ў гэтым кірунку будзе рухацца. Але пакуль што на гэтым рынку з мужчынамі туга”.
Маладая маці Тацяна Гацура –прыхільніца ўдзелу мужчыны ў выхаваньні дзяцей. Яна кажа, што для двух яе старэйшых сыноў гэта куды больш карысна выхаваньне мужчынам, чым жанчынай.
(Гацура: ) “Я лічу, што хлопцаў павінны выхоўваць мужыкі, а не нейкія бабы. Таму што ў садочку – бабы, у школе – настаўніцы, таксама жанчыны. Таму я б з задавальненьнем... Але, на жаль, знайсьці такога наўрад ці атрымаецца”.
Я пацікавіўся ў спадарыні Тацяны – ці сапраўды, на яе думку, ад такой працы мужчынаў адпужвае немагчымасьць адпаведным чынам зарабіць? А таму і бракуе ў кадравых агенцтвах такіх прапановаў?
(Гацура: ) “Але ж яны могуць падпрацоўваць. Напрыклад, па вечарох. Вось у мяне зараз старэйшыя хлопцы ходзяць на каратэ. Я з задавальненьнем бы згадзілася, каб хлопец якісьці іх вазіў на каратэ, потым забіраў. А на выходных, прыкладам, зь імі дзесьці гуляў. Каб гэта была проста для яго падпрацоўка, каб яны 2-3 гадзіны на дзень займаліся, так сказаць, мужчынскімі справамі. Таму што зараз усе мужчыны на працах занятыя, да ўласных дзяцей у іх папросту не даходзяць рукі, каб займацца імі. Таму я лічу, што такая альтэрнатыва была б вельмі добрай”.
(Шаравар: ) “Заказчыкі час ад часу выказваюць такія пажаданьні, але мы амаль што нікога ня можам прапанаваць. Няма гэтага рынку ў нас яшчэ, ня склаўся ён. Па-першае, сам па сабе невялікі попыт на мужчын-гувэрнэраў. І аплата ня вельмі высокая, каб мужчыны так ужо рваліся гэтую працу выконваць. І калі жанчына можа працаваць з-за любові да дзяцей, то мужчынам усё ж трэба карміць сем’і”.
(Карэспандэнт: ) “У якіх сфэрах увогуле могуць быць занятыя мужчыны?”.
(Шаравар: ) “У выхаваньні малодшых школьнікаў, дзетак старэйшага садкоўскага ўзросту. Для хлопцаў увогуле было б пажадана, каб зь імі займаліся мужчыны. Але цяпер больш распаўсюджаныя заяўкі на зусім малых дзяцей, гадавалага ўзросту. А там, вядома ж, патрэбныя здольнасьці і інтуіцыя жанчыны. Але час будзе ісьці, будуць прапановы і нешта ў гэтым кірунку будзе рухацца. Але пакуль што на гэтым рынку з мужчынамі туга”.
Маладая маці Тацяна Гацура –прыхільніца ўдзелу мужчыны ў выхаваньні дзяцей. Яна кажа, што для двух яе старэйшых сыноў гэта куды больш карысна выхаваньне мужчынам, чым жанчынай.
(Гацура: ) “Я лічу, што хлопцаў павінны выхоўваць мужыкі, а не нейкія бабы. Таму што ў садочку – бабы, у школе – настаўніцы, таксама жанчыны. Таму я б з задавальненьнем... Але, на жаль, знайсьці такога наўрад ці атрымаецца”.
Я пацікавіўся ў спадарыні Тацяны – ці сапраўды, на яе думку, ад такой працы мужчынаў адпужвае немагчымасьць адпаведным чынам зарабіць? А таму і бракуе ў кадравых агенцтвах такіх прапановаў?
(Гацура: ) “Але ж яны могуць падпрацоўваць. Напрыклад, па вечарох. Вось у мяне зараз старэйшыя хлопцы ходзяць на каратэ. Я з задавальненьнем бы згадзілася, каб хлопец якісьці іх вазіў на каратэ, потым забіраў. А на выходных, прыкладам, зь імі дзесьці гуляў. Каб гэта была проста для яго падпрацоўка, каб яны 2-3 гадзіны на дзень займаліся, так сказаць, мужчынскімі справамі. Таму што зараз усе мужчыны на працах занятыя, да ўласных дзяцей у іх папросту не даходзяць рукі, каб займацца імі. Таму я лічу, што такая альтэрнатыва была б вельмі добрай”.