Камітэт дзяржбясьпекі мае групу “Альфа”, МУС – падразьдзяленьне “Алмаз” і Полк міліцыі спэцыяльнага прызначэньня (былы АМАП), Дзяржкамітэт памежных войскаў – групу “АСАМ” (расшыфроўваецца як Асобнае злучэньне актыўных мерапрыемстваў), Унутраныя войскі – “СОБР” (Спэцыяльны атрад хуткага рэагаваньня). Свае спэцпадразьдзяленьні ёсьць ў Міністэрства абароны: брыгада спэцпрызначэньня, якая базуецца ў Мар’інай Горцы, мабільныя брыгады Віцебскай дывізіі КГБ (былыя Паветрана-дэсантныя войскі) і сапёрна-піратэхнічная група, дысьлякаваная на вуліцы Маякоўскага ў Менску. Да спэцыяльных падразьдзяленьняў можна аднесьці Галоўную ўправу дзяржаўнай аховы і Службу бясьпекі прэзыдэнта.
Спэцназаўцы падпарадкоўваюцца выключна старшыні КДБ, кіраўніку МУС і начальніку Управы выведкі Мінабароны. Асобна стаяць службы Ўнутранай бясьпекі прэзыдэнта і Дзяржаўнага Савету бясьпекі. Мабільныя аддзелы складаюцца пераважна з афіцэраў-спэцназаўцаў, якія выконваюць асабістыя даручэньні прэзыдэнта і дзяржсакратара. Пра здольнасьці такіх людзей расказвае маёр дэсантных войскаў Аляксей Мохаў, які тройчы быў у камандзіроўцы ў Аўганістане, а за часамі незалежнай Беларусі служыў у структурах Савету бясьпекі.
(Мохаў: ) “Шмат давялося вытрываць. Асабліва ў другі мой заход у Аўганістан часта даводзілася выручаць пяхоту, выручаць аўганцаў тых жа самых, мясцовых... Відаць, дэсантны дух ўсё ж дае неабходную падрыхтоўку, загартоўвае. А падрыхтоўка і дух маральны дае перавагу ў баях”.
Пазалетась Аляксандар Лукашэнка адкрыў новую базу “Алмазу” у Валоўшчыне пад Менскам. Менавіта гэтае месца ад таго часу ёсьць базавым цэнтрам падрыхтоўкі ўсіх асноўных спэцпадразьдзяленьняў.
Згодна з законам “Аб барацьбе з тэрарызмам”, спэцпадразьдзяленьні сыстэмы забесьпячэньня нацыянальнай бясьпекі створаныя для “ажыцьцяўленьня комплексу апэратыўных мерапрыемстваў, накіраваных на папярэджаньне тэрарыстычных і экстрымісцкіх праяваў на тэрыторыі Беларусі”.
Ёсьць зьвесткі, што беларускія спэцпадразьдзяленьні загартоўваюцца ня толькі ў Беларусі. Так, адзін з кіраўнікоў чачэнскага парлямэнту ў выгнаньні Турпал-Алі Каімаў, які зараз жыве ў Нарвэгіі, сьцьвярджае: цягам двух чачэнскіх войнаў беларускія спэцназаўцы служылі ў расейскіх спэцпадразьдзяленьнях.
(Каімаў: ) “Так, я зараз маю такую інфармацыю…”.
(Карней: ) “Чаму менавіта беларусы? Яны што – падрыхтаваныя да такіх спэцапэрацый?”
(Каімаў: ) “Расейскае Галоўнае ўпраўленьне выведкі заўсёды спэцыялізавалася на дывэрсыйных апэрацыях. Відавочна, у такіх сумесных акцыях яны абменьваліся досьведам зьнішчэньня мірных грамадзянаў Чачэнскай Рэспублікі Ічкерыя. Што імі яшчэ далей рушыла – я ня ведаю”.
(Карней: ) “І можна казаць пра канкрэтныя прозьвішчы?”
(Каімаў: ) “Так, ёсьць некаторых асобаў прозьвішчы, таму можна ў пэрспэктыве гаварыць прадметна”.
(Карней: ) “Мабыць, некаторыя зь іх ужо асуджаныя. Той жа спэцназавец Ігнатовіч, у тым ліку і ў зьвязку са справай Дзьмітрыя Завадзкага, сядзіць…”.
(Каімаў: ) “Ведаеце, Ігнатовіч – гэта толькі адна асоба. А вакол Ігнатовіча было як мінімум некалькі такіх пэрсонаў, якія займаліся забойствамі мірных грамадзянаў”.
Падчас прэзыдэнцкай кампаніі Камітэт дзяржбясьпекі абвясьціў, што свае спэцпадразьдзяленьні ёсьць… і ў апазыцыі. Старшыня КДБ Сьцяпан Сухарэнка заявіў, што на тэрыторыі Грузіі рыхтуюцца баевікі для “беларускай рэвалюцыі”; нават паказалі апэратыўныя здымкі з прызнаньнем ананімнага беларускага “баевіка”.
(Хлопец: ) “Знаходзіўся я на тэрыторыі Грузіі, дзе праходзіў навучаньне ў тэрарыстычным цэнтры. У асноўным, на 90%, вучылі рукапашнаму бою; таксама была хімічная абарона і выбуховая тэхніка: прынцып працы, дзеяньне, устаноўка “расьцяжак”, устаноўка “хлапушак” (сыгнальных мінаў)”.
Спэцназаўцы падпарадкоўваюцца выключна старшыні КДБ, кіраўніку МУС і начальніку Управы выведкі Мінабароны. Асобна стаяць службы Ўнутранай бясьпекі прэзыдэнта і Дзяржаўнага Савету бясьпекі. Мабільныя аддзелы складаюцца пераважна з афіцэраў-спэцназаўцаў, якія выконваюць асабістыя даручэньні прэзыдэнта і дзяржсакратара. Пра здольнасьці такіх людзей расказвае маёр дэсантных войскаў Аляксей Мохаў, які тройчы быў у камандзіроўцы ў Аўганістане, а за часамі незалежнай Беларусі служыў у структурах Савету бясьпекі.
(Мохаў: ) “Шмат давялося вытрываць. Асабліва ў другі мой заход у Аўганістан часта даводзілася выручаць пяхоту, выручаць аўганцаў тых жа самых, мясцовых... Відаць, дэсантны дух ўсё ж дае неабходную падрыхтоўку, загартоўвае. А падрыхтоўка і дух маральны дае перавагу ў баях”.
Пазалетась Аляксандар Лукашэнка адкрыў новую базу “Алмазу” у Валоўшчыне пад Менскам. Менавіта гэтае месца ад таго часу ёсьць базавым цэнтрам падрыхтоўкі ўсіх асноўных спэцпадразьдзяленьняў.
Згодна з законам “Аб барацьбе з тэрарызмам”, спэцпадразьдзяленьні сыстэмы забесьпячэньня нацыянальнай бясьпекі створаныя для “ажыцьцяўленьня комплексу апэратыўных мерапрыемстваў, накіраваных на папярэджаньне тэрарыстычных і экстрымісцкіх праяваў на тэрыторыі Беларусі”.
Ёсьць зьвесткі, што беларускія спэцпадразьдзяленьні загартоўваюцца ня толькі ў Беларусі. Так, адзін з кіраўнікоў чачэнскага парлямэнту ў выгнаньні Турпал-Алі Каімаў, які зараз жыве ў Нарвэгіі, сьцьвярджае: цягам двух чачэнскіх войнаў беларускія спэцназаўцы служылі ў расейскіх спэцпадразьдзяленьнях.
(Каімаў: ) “Так, я зараз маю такую інфармацыю…”.
(Карней: ) “Чаму менавіта беларусы? Яны што – падрыхтаваныя да такіх спэцапэрацый?”
(Каімаў: ) “Расейскае Галоўнае ўпраўленьне выведкі заўсёды спэцыялізавалася на дывэрсыйных апэрацыях. Відавочна, у такіх сумесных акцыях яны абменьваліся досьведам зьнішчэньня мірных грамадзянаў Чачэнскай Рэспублікі Ічкерыя. Што імі яшчэ далей рушыла – я ня ведаю”.
(Карней: ) “І можна казаць пра канкрэтныя прозьвішчы?”
(Каімаў: ) “Так, ёсьць некаторых асобаў прозьвішчы, таму можна ў пэрспэктыве гаварыць прадметна”.
(Карней: ) “Мабыць, некаторыя зь іх ужо асуджаныя. Той жа спэцназавец Ігнатовіч, у тым ліку і ў зьвязку са справай Дзьмітрыя Завадзкага, сядзіць…”.
(Каімаў: ) “Ведаеце, Ігнатовіч – гэта толькі адна асоба. А вакол Ігнатовіча было як мінімум некалькі такіх пэрсонаў, якія займаліся забойствамі мірных грамадзянаў”.
Падчас прэзыдэнцкай кампаніі Камітэт дзяржбясьпекі абвясьціў, што свае спэцпадразьдзяленьні ёсьць… і ў апазыцыі. Старшыня КДБ Сьцяпан Сухарэнка заявіў, што на тэрыторыі Грузіі рыхтуюцца баевікі для “беларускай рэвалюцыі”; нават паказалі апэратыўныя здымкі з прызнаньнем ананімнага беларускага “баевіка”.
(Хлопец: ) “Знаходзіўся я на тэрыторыі Грузіі, дзе праходзіў навучаньне ў тэрарыстычным цэнтры. У асноўным, на 90%, вучылі рукапашнаму бою; таксама была хімічная абарона і выбуховая тэхніка: прынцып працы, дзеяньне, устаноўка “расьцяжак”, устаноўка “хлапушак” (сыгнальных мінаў)”.
