Ніякіх імпрэзаў на галоўнай плошчы Менску – Кастрычніцкай – не назіралася. Амаль усё сьвяточныя мерапрыемствы былі перанесеныя ў мікрараёны. У Заводзкім раёне Менску ля помніка “Беларусь партызанская” групу школьнікаў прымалі ў піянэры, у Маскоўскім раёне наладзілі прагляд дакумэнтальнага фільма “Запрашае Беларусь”, у Кастрычніцкім – конкурс цырульнікаў. Ля новага будынку Нацыянальнай бібліятэкі разьмясьцілася выстава дасягненьняў народнай гаспадаркі уключна з трактарамі, аўтобусамі, грузавікамі, тэлевізарамі.
На сьвяточных пляцоўках людзей было няшмат, сьвяту замінаў дождж, які ліў усю раніцу. Разам зь нешматлікімі менчукамі на пляцоўках былі заўважаныя прадстаўнікі буйных гарадоў краін СНД. У рамках дня горада ў Менску сёньня праводзіцца 10-я сустрэча асамблеі сталіц і буйных гарадоў СНД, якую ўзначальвае маскоўскі мэр Юры Лужкоў. Спадар Лужкоў выказаў шмат камплімэнтаў гаспадарам сустрэчы, у прыватнасьці, пахваліў беларускую мадэль разьвіцьця, зазначыўшы, што калі б Расея скарысталася гэтым досьведам на пачатку 1990-х гадоў, то ў яе не было б алігархаў.
Аляксандар Лукашэнка пахваліўся перад мэрамі гарадоў СНД:
(Лукашэнка: ) “Нядаўна сацыёлягі папрасілі ацаніць менчукоў розныя аспэкты жыцьця сталіцы, потым параўналі іх са зьвесткамі, атрыманымі ў выніку складаных апытаньняў у іншых буйных эўрапейскіх гарадах. І што ж, жыцьцём у Менску задаволеныя каля 87 адсоткаў апытаных. Паводле гэтага паказчыку Менск нязначна саступае Бэрліну, але абышоў Лёндан, Мадрыд, а сёньня і Парыж”.
Мэр Масквы Юры Лужкоў па выніках свайго знаходжаньня ў Менску паведаміў, што паводле дамоўленасьці зь беларускімі ўладамі маскоўскія будаўнікі пачнуць узьвядзеньне ў Менску цэлага мікрараёна “супэрсучасных жылых дамоў” – пакуль што 100 тысяч квадратных мэтраў, а ў пэрспэктыве – да двух мільёнаў квадратных мэтраў. Акрамя таго, спадар Лужкоў паведаміў, што падчас перамоваў з А. Лукашэнкам дасягнутая дамоўленасьць аб будаўніцтве ў Менску дзесяці гіпэрмаркетаў з удзелам маскоўскага капіталу. Адзін з такіх аб’ектаў пад назвай “ProStore” ужо пачаў дзейнічаць.
Прыём у піянэры ў Заводзкім раёне
Прыём у піянэры ў Заводзкім раёне
Выстава дасягненьняў народнай гаспадаркі ля Нацыянальнай бібліятэкі
Выстава дасягненьняў народнай гаспадаркі ля Нацыянальнай бібліятэкі
Пустая кавярня
Канцэрт БРСМ ля Палацу чыгуначнікаў
На сьвяточных пляцоўках людзей было няшмат, сьвяту замінаў дождж, які ліў усю раніцу. Разам зь нешматлікімі менчукамі на пляцоўках былі заўважаныя прадстаўнікі буйных гарадоў краін СНД. У рамках дня горада ў Менску сёньня праводзіцца 10-я сустрэча асамблеі сталіц і буйных гарадоў СНД, якую ўзначальвае маскоўскі мэр Юры Лужкоў. Спадар Лужкоў выказаў шмат камплімэнтаў гаспадарам сустрэчы, у прыватнасьці, пахваліў беларускую мадэль разьвіцьця, зазначыўшы, што калі б Расея скарысталася гэтым досьведам на пачатку 1990-х гадоў, то ў яе не было б алігархаў.
Аляксандар Лукашэнка пахваліўся перад мэрамі гарадоў СНД:
(Лукашэнка: ) “Нядаўна сацыёлягі папрасілі ацаніць менчукоў розныя аспэкты жыцьця сталіцы, потым параўналі іх са зьвесткамі, атрыманымі ў выніку складаных апытаньняў у іншых буйных эўрапейскіх гарадах. І што ж, жыцьцём у Менску задаволеныя каля 87 адсоткаў апытаных. Паводле гэтага паказчыку Менск нязначна саступае Бэрліну, але абышоў Лёндан, Мадрыд, а сёньня і Парыж”.
Мэр Масквы Юры Лужкоў па выніках свайго знаходжаньня ў Менску паведаміў, што паводле дамоўленасьці зь беларускімі ўладамі маскоўскія будаўнікі пачнуць узьвядзеньне ў Менску цэлага мікрараёна “супэрсучасных жылых дамоў” – пакуль што 100 тысяч квадратных мэтраў, а ў пэрспэктыве – да двух мільёнаў квадратных мэтраў. Акрамя таго, спадар Лужкоў паведаміў, што падчас перамоваў з А. Лукашэнкам дасягнутая дамоўленасьць аб будаўніцтве ў Менску дзесяці гіпэрмаркетаў з удзелам маскоўскага капіталу. Адзін з такіх аб’ектаў пад назвай “ProStore” ужо пачаў дзейнічаць.
Прыём у піянэры ў Заводзкім раёне
Прыём у піянэры ў Заводзкім раёне
Выстава дасягненьняў народнай гаспадаркі ля Нацыянальнай бібліятэкі
Выстава дасягненьняў народнай гаспадаркі ля Нацыянальнай бібліятэкі
Пустая кавярня
Канцэрт БРСМ ля Палацу чыгуначнікаў
