Пра злоўжываньні бюджэтам саюзнай дзяржавы Сяргей Сьпашын паведаміў падчас свайго візыту ў Менск. Але спадар Сьцяпашын быў нешматслоўным пра махлярствы, якія выявілі ягоныя кантралёры, а больш ўвагі прысьвяціў дасягненьням.
(Сьцяпашын: ) “У нас ва ўзаемаадносінах праблем зусім няма. У лютым мы праверылі выкананьне бюджэту, кагосьці з працы прагналі, у выніку там ўжо зусім не рабуюць”.
Хто ж стаў ахвярай чысткі ў структурах саюзнай дзяржавы пасьля праверкі Падліковай палаты Расеі?
Я зьвярнуўся да афіцыйнага сайта Палаты. Прозьвішчы выкрытых чыноўнікаў там не пазначаныя. Разам з тым згадваецца пра Тэлерадыёвяшчальную арганізацыю Саюзнай дзяржавы, якая скарыстала з бюджэту 21 мільён расейскіх рублёў і не дала патрэбнай справаздачы. У прэсавай службе арганізацыі паведамілі, што недахопы выявіў аўдытар Віктар Касавураў. Але ягоны памочнік Сяргей Кузьмін не стаў распавядаць пра іншых чыноўнікаў, якіх пакаралі у выніку праверак.
(Кузьмін: ) “Наконт кадравых зьменаў, якія адбыліся, вы пытайцеся ў тых структурах, якія праводзілі гэтыя зьмены. Мы не праводзілі ніякіх кадравых зьменаў”.
Прозьвішча адзінага чыноўніка, які сышоў з пасады ў выніку праверак Падліковай палаты, згадаў прадстаўнік Беларусі ў Сталым камітэце саюзнай дзяржавы Васіль Шаладонаў.
(Шаладонаў: ) “Сапраўды, замянілі кіраўніка Тэлерадыёвяшчальнай арганізацыі Цернавушка. Там знайшлі нямэтавае выкарыстаньне грошай. Але больш пра кадравыя зьмены я ня ведаю”.
Паводле справаздачы Падліковай Палаты Расеі, бюджэт саюзнай дзяржавы Расеі і Беларусі за 2004 год ня быў выкананы па тром з 18 артыкулаў, а з трох мэтавых праграмаў фінансаваньня была выкананая толькі адна.
Паводле зьвестак прэсавай службы Падліковай палаты Расеі, з вынікамі праверкі азнаёмленыя ўрад саюзнай дзяржавы і прэзыдэнты дзьвюх краін. Але Сяргей Сьцяпашын заявіў, што дамагацца жорсткага пакараньня ад пракуратуры Расеі Падліковая палата не стала: “Мы не накіроўвалі матэрыялы нашых праверак ў пракуратуру, бо незразумела, ў якую пракуратуру накіроўваць -- у беларускую альбо расейскую, а сумеснай няма”—сказаў Сяргей Сьцяпашын беларускім журналістам.
(Сьцяпашын: ) “У нас ва ўзаемаадносінах праблем зусім няма. У лютым мы праверылі выкананьне бюджэту, кагосьці з працы прагналі, у выніку там ўжо зусім не рабуюць”.
Хто ж стаў ахвярай чысткі ў структурах саюзнай дзяржавы пасьля праверкі Падліковай палаты Расеі?
Я зьвярнуўся да афіцыйнага сайта Палаты. Прозьвішчы выкрытых чыноўнікаў там не пазначаныя. Разам з тым згадваецца пра Тэлерадыёвяшчальную арганізацыю Саюзнай дзяржавы, якая скарыстала з бюджэту 21 мільён расейскіх рублёў і не дала патрэбнай справаздачы. У прэсавай службе арганізацыі паведамілі, што недахопы выявіў аўдытар Віктар Касавураў. Але ягоны памочнік Сяргей Кузьмін не стаў распавядаць пра іншых чыноўнікаў, якіх пакаралі у выніку праверак.
(Кузьмін: ) “Наконт кадравых зьменаў, якія адбыліся, вы пытайцеся ў тых структурах, якія праводзілі гэтыя зьмены. Мы не праводзілі ніякіх кадравых зьменаў”.
Прозьвішча адзінага чыноўніка, які сышоў з пасады ў выніку праверак Падліковай палаты, згадаў прадстаўнік Беларусі ў Сталым камітэце саюзнай дзяржавы Васіль Шаладонаў.
(Шаладонаў: ) “Сапраўды, замянілі кіраўніка Тэлерадыёвяшчальнай арганізацыі Цернавушка. Там знайшлі нямэтавае выкарыстаньне грошай. Але больш пра кадравыя зьмены я ня ведаю”.
Паводле справаздачы Падліковай Палаты Расеі, бюджэт саюзнай дзяржавы Расеі і Беларусі за 2004 год ня быў выкананы па тром з 18 артыкулаў, а з трох мэтавых праграмаў фінансаваньня была выкананая толькі адна.
Паводле зьвестак прэсавай службы Падліковай палаты Расеі, з вынікамі праверкі азнаёмленыя ўрад саюзнай дзяржавы і прэзыдэнты дзьвюх краін. Але Сяргей Сьцяпашын заявіў, што дамагацца жорсткага пакараньня ад пракуратуры Расеі Падліковая палата не стала: “Мы не накіроўвалі матэрыялы нашых праверак ў пракуратуру, бо незразумела, ў якую пракуратуру накіроўваць -- у беларускую альбо расейскую, а сумеснай няма”—сказаў Сяргей Сьцяпашын беларускім журналістам.
