У мясцовай царкве адбыўся малебен за здароўе жыхароў, і ў адзін час імша ў касьцёле — у гонар бераставічанаў. Пад час набажэнства сьпяваў касьцельны хор.
У цэнтры на плошчы каля статуі Леніна была крытая сцэна, перад ёй разьмясьцілася начальства і местачкоўцы. Спачатку былі тэатральна-гістарычныя замалёўкі з удзелам караля Аляксандра і князя.
(Спадар: ) “Землі гэтыя ўсе пану Аляксандру Хадкевічу і будучым нашчадкам на часы вечныя належаць. Пры напісаньні граматы прысутнічалі паны Рады нашай. Пісана у Вільні ў лета 7014-е месяца ліпеня на дваццаты дзень індыкат дзявяты”.
Чыноўнікі ўзнагароджвалі ганаровымі граматамі, а старшыні аблвыканкаму Ўладзімеру Саўчанку мясцовы начальнік падараваў царкоўны абраз, і спадар Саўчанка яго на сцэне прылюдна пацалаваў. Было абвешчана, што пакладуць кветкі да помнікаў Леніну і савецкаму салдату, але начальства ў гэтым не ўдзельнічала, а толькі сівыя вэтэраны і прадстаўнікі моладзі.
На вуліцы былі выстаўлены партрэты гістарычных асобаў, кіраўніца раённай бібліятэчнай сыстэмы Тацяна Марцішэвіч патлумачыла:
(Спадарыня: ) “Мы бачым карцінную галерэю вядомых людзей, пачынаючы ад Хадкевіча Аляксандра, заснавальніка Вялікай Бераставіцы да Аляксандра Дубко, які доўгі час тут працаваў. Тут і Станіслаў Касакоўскі, і Кастусь Каліноўскі, і Нацэвіч Сымон, Напалеон Орда, вядомы мастак, які вельмі многа замалёвак зрабіў пра нашую Бераставіцу”.
Пасярэдзіне мястэчка над усім дамінуе высокі, магутны, напаўразбураны кармэліцкі касьцёл, які быў пабудаваны ў 1620 годзе. У першай палове 1990-х гадоў ўзяліся за яго кансэрвацыю, паставілі рыштаваньні. Але здарыўся пажар, згарэў дах, храм пачаўся разбурацца яшчэ хутчэй. Новы старшыня райвыканкаму Ян Васілеўскі вырашыў ім заняцца: адкрылі рахунак, на якім пакуль дзесяць мільёнаў рублёў, а спадара Васілеўскага нядаўна прызначылі кіраўніком Гарадзенскага раёну.
Паводле аўтара раённай кнігі “Памяць” Мікалая Пацэнкі, ў касьцельных сутарэньнях некалі друкавалі “Мужыцкую праўду”, пробашч Ігнацы Казлоўскі быў паплечнікам Кастуся Каліноўскага.
Жыхары Бераставіцы – за тое, каб кармеліцкі касьцёл быў адноўлены.
(Спадар: ) “Людзі гавораць, што трэба яго, натуральна, аднаўляць, бо гэта памяць нашых дзядоў, нашых продкаў. І, напэўна, я перакананы ў гэтым, усе дапамогуць: і просты чалавек, і прадпрымальнік дапаможа, і начальнік, усе ў гэтым будуць удзельнічаць, гэта нашая сьвятыня”.
Мясцовыя людзі, зь якімі я размаўляў, гаварылі, што Бераставіцу грунтоўна адрамантавалі да 500-годзьдзя.
(Спадар: ) “Я вам адно скажу: тое, што было зроблена на бераставіцкай зямлі, гэта рабілася для народу, адназначна. Гэта не для кіраўніцтва, не для выканаўчай улады, а для народу, народ шчасьлівы ад сьвята, шчыра кажу”.
![](http://gdb.rferl.org/63620FB9-4741-4A8B-9942-2831B9F1DD1F.JPG)
У касьцёле ідзе імша ў гонар жыхароў Бераставіцы
![](http://gdb.rferl.org/6B08F5FF-61B3-44AA-88FD-66E4171511F6.JPG)
Партрэтная галерэя славутых людзей, што мелі дачыненьне да мястэчка
![](http://gdb.rferl.org/81171E39-6EFE-4815-B045-E94E7B40E099.JPG)
Адкрыцьцё помніка “дрэва жыцьця” з вавёркай адбылося пад фэерверк
![](http://gdb.rferl.org/9F899845-94D9-4CE5-87AE-91066FB3B061.JPG)
Крочаць вялікі князь Аляксандар і першы ўладальнік Бераставіцы Аляксандар Хадкевіч
![](http://gdb.rferl.org/91981839-D10B-417E-B55D-E7517938495D.JPG)
У “шэсьці працоўных” удзельнічалі дактары і санітаркі
![](http://gdb.rferl.org/B1267E13-168A-4865-8B27-B9E0B64557BC.JPG)
У кармэліцкім касьцёле, як лічыць мясцовы дасьледчык, друкавалася “Мужыцкая праўда”
![](http://gdb.rferl.org/A56D3DA6-F53D-49A2-9859-BCF47FB608B5.JPG)
Па вуліцах у выходныя хадзіла вавёрка — сымбаль мястэчка
У цэнтры на плошчы каля статуі Леніна была крытая сцэна, перад ёй разьмясьцілася начальства і местачкоўцы. Спачатку былі тэатральна-гістарычныя замалёўкі з удзелам караля Аляксандра і князя.
(Спадар: ) “Землі гэтыя ўсе пану Аляксандру Хадкевічу і будучым нашчадкам на часы вечныя належаць. Пры напісаньні граматы прысутнічалі паны Рады нашай. Пісана у Вільні ў лета 7014-е месяца ліпеня на дваццаты дзень індыкат дзявяты”.
Чыноўнікі ўзнагароджвалі ганаровымі граматамі, а старшыні аблвыканкаму Ўладзімеру Саўчанку мясцовы начальнік падараваў царкоўны абраз, і спадар Саўчанка яго на сцэне прылюдна пацалаваў. Было абвешчана, што пакладуць кветкі да помнікаў Леніну і савецкаму салдату, але начальства ў гэтым не ўдзельнічала, а толькі сівыя вэтэраны і прадстаўнікі моладзі.
На вуліцы былі выстаўлены партрэты гістарычных асобаў, кіраўніца раённай бібліятэчнай сыстэмы Тацяна Марцішэвіч патлумачыла:
(Спадарыня: ) “Мы бачым карцінную галерэю вядомых людзей, пачынаючы ад Хадкевіча Аляксандра, заснавальніка Вялікай Бераставіцы да Аляксандра Дубко, які доўгі час тут працаваў. Тут і Станіслаў Касакоўскі, і Кастусь Каліноўскі, і Нацэвіч Сымон, Напалеон Орда, вядомы мастак, які вельмі многа замалёвак зрабіў пра нашую Бераставіцу”.
Пасярэдзіне мястэчка над усім дамінуе высокі, магутны, напаўразбураны кармэліцкі касьцёл, які быў пабудаваны ў 1620 годзе. У першай палове 1990-х гадоў ўзяліся за яго кансэрвацыю, паставілі рыштаваньні. Але здарыўся пажар, згарэў дах, храм пачаўся разбурацца яшчэ хутчэй. Новы старшыня райвыканкаму Ян Васілеўскі вырашыў ім заняцца: адкрылі рахунак, на якім пакуль дзесяць мільёнаў рублёў, а спадара Васілеўскага нядаўна прызначылі кіраўніком Гарадзенскага раёну.
Паводле аўтара раённай кнігі “Памяць” Мікалая Пацэнкі, ў касьцельных сутарэньнях некалі друкавалі “Мужыцкую праўду”, пробашч Ігнацы Казлоўскі быў паплечнікам Кастуся Каліноўскага.
Жыхары Бераставіцы – за тое, каб кармеліцкі касьцёл быў адноўлены.
(Спадар: ) “Людзі гавораць, што трэба яго, натуральна, аднаўляць, бо гэта памяць нашых дзядоў, нашых продкаў. І, напэўна, я перакананы ў гэтым, усе дапамогуць: і просты чалавек, і прадпрымальнік дапаможа, і начальнік, усе ў гэтым будуць удзельнічаць, гэта нашая сьвятыня”.
Мясцовыя людзі, зь якімі я размаўляў, гаварылі, што Бераставіцу грунтоўна адрамантавалі да 500-годзьдзя.
(Спадар: ) “Я вам адно скажу: тое, што было зроблена на бераставіцкай зямлі, гэта рабілася для народу, адназначна. Гэта не для кіраўніцтва, не для выканаўчай улады, а для народу, народ шчасьлівы ад сьвята, шчыра кажу”.
У касьцёле ідзе імша ў гонар жыхароў Бераставіцы
Партрэтная галерэя славутых людзей, што мелі дачыненьне да мястэчка
Адкрыцьцё помніка “дрэва жыцьця” з вавёркай адбылося пад фэерверк
Крочаць вялікі князь Аляксандар і першы ўладальнік Бераставіцы Аляксандар Хадкевіч
У “шэсьці працоўных” удзельнічалі дактары і санітаркі
У кармэліцкім касьцёле, як лічыць мясцовы дасьледчык, друкавалася “Мужыцкая праўда”
Па вуліцах у выходныя хадзіла вавёрка — сымбаль мястэчка