Лінкі ўнівэрсальнага доступу

Адкрылася 27-я Сустрэча беларусаў Паўночнай Амэрыкі


Радыё Свабода, Нью-Ёрк У ЗША, у Нью-Брансвіку распачынаецца 27-ая сустрэча беларусаў Паўночнай Амэрыкі. Першая сустрэча амэрыканскіх і канадыйскіх беларусаў адбылася ў 1952 годзе ў мястэчку Ніагара-фолс. З таго часу праводзіць сустрэчы штодва гады зрабілася традыцыяй – яны адбываюцца, па чарзе, ці ў Канадзе, ці ў ЗША.

Пра сёлетнюю сустрэчу распавядае кіраўнік Нью-Ёрскай управы Беларуска-Амэрыканскага задзіночаньня Віталь Зайка.

(Зайка: ) “Гэтая сустрэча сёлета мае лёзунг "У абарону дэмакратыі ў Беларусі". 2-га верасьня адбудзецца сымпозіюм, у якім будзе тры дыскусійныя групы. Першая прысьвечаная ўшанаваньню ахвяраў лукашэнкаўскага рэжыму, кіраўнік Ірына Красоўская, жонка зьніклага Анатоля Красоўскага. Другая дыскусійная група будзе абмяркоўваць ролю беларусаў Паўночнай Амэрыкі ў дапамозе дэмакратыі ў Беларусі. І трэцяя сэкцыя прысьвечаная аналізу прэзыдэнцкіх выбараў 2006 г., і будуць разгледжаныя шанцы апазыцыі на зьмену вынікаў гэтых выбараў. У працы возьмуць удзел і выступяць з прамовамі кангрэсмэн Фрэнк Палонэ, былы амбасадар у Беларусі Джордж Крол, старшыня Рады БНР Івонка Сурвілла, дырэктар нью-ёрскага Інстытуту навукі і мастацтва Вітаўт Кіпель, старшыня Беларускага народнага фронту Зянон Пазьняк”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG