Суд над Максімам Буйніцкім распачаўся яшчэ ўчора, у дзень затрыманьня. Але судзьдзя Натальля Чарануха адклала слуханьні – у зьвязку з супярэчнасьцю сьведчаньняў міліцыянтаў і пратаколу адміністрацыйнага арышту.
Сёньня ўсё паўтарылася наноў, і Максім Буйніцкі быў апраўданы, бо суд ня ўгледзеў у ягоных паводзінах адміністрацыйнага правапарушэньня. Вось як гэта спадар Буйніцкі пракамэнтаваў для Радыё Свабода:
(Буйніцкі: ) “Напружаньне спэцслужбаў у Бабруйску ня меншае, чым перад выбарамі, бо ў нас плянуецца правядзеньне "Дажынак". А чаму мяне апраўдалі? Я разумею так, што сыстэма дала збой. Гэта самае дакладнае вызначэньне”.
Нагадаю: настаўнік гісторыі Алесь Чыгір ланцугамі прывязаўся да слупа недалёка ад будынку гарвыканкаму на знак пратэсту супраць звальненьня са школы за ўдзел у палітычных падзеях падчас прэзыдэнцкіх выбараў. Разам зь ім затрымалі 10 журналістаў розных незалежных выданьняў, якія асьвятлялі падзею, у тым ліку агенцыі БелаПАН, газэты “Наша Ніва”, “Салідарнасьць”, Радыё Свабода.
Пазьней Алеся Чыгіра адпусьцілі, але сёньня супрацоўнікі міліцыі ізноў патрабавалі пісьмовых тлумачэньняў. У адпаведнасьці з дэпутацкім статусам, адміністрацыйную справу адносна дэпутата Чыгіра будзе разглядаць пракуратура. Тым ня менш, Алесь Чыгір перакананы: ён і Максім Буйніцкі застаюцца на свабодзе ў значнай ступені дзякуючы падтрымцы незалежных мэдыяў.
(Чыгір: ) “Я ўпэўнены, што мы цяпер з Максімам знаходзімся на волі, на 90% дзякуючы журналістам незалежных СМІ, якія прыехалі й падтрымалі нас. Магчыма, мясцовыя ўлады напалохаў той інфармацыйны паток, які ўчора ішоў з Бабруйску”.
Як паведаміў "Свабодзе" Алесь Чыгір, цяпер ён рыхтуецца зьвярнуцца ў суд з прапановай прызнаць дзеяньні Ўправы адукацыі Бабруйскага выканкаму незаконнымі й аднавіць яго на працы.
Сёньня ўсё паўтарылася наноў, і Максім Буйніцкі быў апраўданы, бо суд ня ўгледзеў у ягоных паводзінах адміністрацыйнага правапарушэньня. Вось як гэта спадар Буйніцкі пракамэнтаваў для Радыё Свабода:
(Буйніцкі: ) “Напружаньне спэцслужбаў у Бабруйску ня меншае, чым перад выбарамі, бо ў нас плянуецца правядзеньне "Дажынак". А чаму мяне апраўдалі? Я разумею так, што сыстэма дала збой. Гэта самае дакладнае вызначэньне”.
Нагадаю: настаўнік гісторыі Алесь Чыгір ланцугамі прывязаўся да слупа недалёка ад будынку гарвыканкаму на знак пратэсту супраць звальненьня са школы за ўдзел у палітычных падзеях падчас прэзыдэнцкіх выбараў. Разам зь ім затрымалі 10 журналістаў розных незалежных выданьняў, якія асьвятлялі падзею, у тым ліку агенцыі БелаПАН, газэты “Наша Ніва”, “Салідарнасьць”, Радыё Свабода.
Пазьней Алеся Чыгіра адпусьцілі, але сёньня супрацоўнікі міліцыі ізноў патрабавалі пісьмовых тлумачэньняў. У адпаведнасьці з дэпутацкім статусам, адміністрацыйную справу адносна дэпутата Чыгіра будзе разглядаць пракуратура. Тым ня менш, Алесь Чыгір перакананы: ён і Максім Буйніцкі застаюцца на свабодзе ў значнай ступені дзякуючы падтрымцы незалежных мэдыяў.
(Чыгір: ) “Я ўпэўнены, што мы цяпер з Максімам знаходзімся на волі, на 90% дзякуючы журналістам незалежных СМІ, якія прыехалі й падтрымалі нас. Магчыма, мясцовыя ўлады напалохаў той інфармацыйны паток, які ўчора ішоў з Бабруйску”.
Як паведаміў "Свабодзе" Алесь Чыгір, цяпер ён рыхтуецца зьвярнуцца ў суд з прапановай прызнаць дзеяньні Ўправы адукацыі Бабруйскага выканкаму незаконнымі й аднавіць яго на працы.