Лінкі ўнівэрсальнага доступу

“На працягу двух тыдняў камісія падрабязна распытвала аб палітычных перакананнях усіх яго знаёмых…” (1956)


Падрыхтаваў Зьміцер Падбярэскі Пра што пісалі ў мінулыя гады беларускія газэты 1 верасьня

“Рабочий”, 1 верасьня 1936 году. Паведамленьне з Гомелю:

“Пачата будаўніцтва трохпавярховага будынку новай міжгародняй тэлефоннай станцыі. Станцыя будзе абсталявана магутнай апаратурай для тэлефонных перамоў з буйнымі гарадамі Саюзу – Масквой, Ленінградам, Кіевам і гарадамі Эўропы. Новая станцыя ўступіць у эксплюатацыю ў 1937 годзе. Адначасова ў Гомелі пачата падрыхтоўка да пашырэньня гарадзкой тэлефоннай сеткі. Колькасьць абанэнтаў будзе даведзена да 2 300”.

“Звязда”, 1946 год. Інфармацыя з Горадні:

“Частка школ вобласці дрэнна падрыхтавалася да пачатку заняткаў. Многія будынкі яшчэ не адрамантаваны, класы не абсталяваны. Не хапае парт, дошак, сталоў… Да гэтага часу ў Гродню прыбылі падручнікі толькі па беларускай мове і літаратуры, але яны яшчэ не разданы школам. На рынку-ж па спекулятыўных цэнах можна знайсці падручнікі самага навейшага выдання, сшыткі, ручкі, алоўкі”.

“ЛіМ”, 1956 год. Выкрываецца макартызм:

“Славутая сенацкая камісія па барацьбе з антыамерыканскай дзейнасцю таксама ўзмацніла сваю работу. Нядаўна гэтай камісіяй дапытваўся Артур Мілер – адзін з буйнейшых амерыканскіх драматургаў… Артур Мілер меркаваў з’ездзіць у Еўропу, каб уступіць у шлюб з англійскай кіноактрысай Марылон Монраэ. Здавалася-б, у вясельным падарожжы драматурга не было нічога крамольнага. Але… на працягу двух тыдняў камісія падрабязна распытвала аб палітычных перакананнях усіх яго знаёмых…”
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG